Па стане на 9 красавіка паказчык захворвання на вострыя рэспіраторныя інфекцыі ў Беларусі рэгіструецца на 9,2% вышэй за леташні ўзровень.Як паведамляецца на афіцыйным сайце Рэспубліканскага цэнтра гігіены, эпідэміялогіі і грамадскага здароўя, у структуры захварэўшых пераважаюць дзеці — 63,2% ад усіх, хто звярнуўся да ўрача.
Пры гэтым у цэлым захворванне на ВРІ ў Беларусі знаходзіцца на неэпідэмічным узроўні. Вынікі лабараторнага маніторынгу ў Беларусі
Паводле даных Еўрапейскага рэгіянальнага бюро Сусветнай арганізацыі аховы здароўя, ва ўсім рэгіёне частата зваротаў па медыцынскую дапамогу ў сувязі з ВРІ працягвае зніжацца: толькі пяць краін паведамляюць, што колькасць хворых перавышае парогавыя значэнні, таксама знізілася коллькасць выяўлення выпадкаў грыпу. Дамінантным вірусам у цыркуляцыі працягвае заставацца вірус грыпу A(H3N2). Пры гэтым адзначаецца некаторае павелічэнне колькасці выпадкаў выяўлення віруса грыпу В і некалькі выпадкаў выяўлення віруса грыпу A(H1N1), які выклікаў пандэмію ў 2009 годзе.
У Расіі на мінулым тыдні былі зарэгістраваныя перавышэнні эпідэмічных парогаў захворвання на грып і ВРВІ у Вялікім Ноўгарадзе, Арэнбургу, Томску, Уладзівастоку і Бірабіджане.
Цяпер чытаюць
Дачка суддзі, якая жыўцом згарэла ў судзе ў Слуцку ў 1967-м, расказала, як склалася жыццё іх сям’і пасля гучнай трагедыі7
Каментары