Улады Тайланду прысудзілі да 10 гадоў турэмнага зьняволеньня 57‑гадовага грамадзяніна Швайцарыі за абразу тайскага караля. Максымальнае пакараньне за гэткае злачынства — 75 гадоў турмы.
Улады Тайланду прысудзілі ў чацьвер 10 гадоў турэмнага зьняволеньня грамадзяніну Швайцарыі, які прызнаўся ў судзе, што абразіў тайскага караля.
Паліцыя арыштавала 57‑гадовага Олівэра Джуфэра ў горадзе Чанг Маі на поўначы краіны яшчэ ў мінулым годзе. Прычынай затрыманьня сталася тое, што швайцар замаляваў фарбаю выяву тайскага манарха Бумібола Адуладэя. На пачатку сакавіка Олівэр Джуфэр пагадзіўся з абвінавачваньнямі.
Джуфэру, які ў Тайландзе жыве ўжо больш за 10 гадоў, пашчасьціла. За абразу «яго вялікасьці» ў Тайландзе пагражае турэмнае зьняволеньне нават да 75 гадоў. Першапачаткова швайцару пагражала 20 гадоў, але пасьля прызнаньня віны, суд зьменшыў прысуд на палову.
Кароль Тайланду Бумібол Адуладэй кіруе краінай ужо 60 гадоў, такім чынам, ён зьяўляецца найстарэйшым манархам у сьвеце. Нягледзячы на тое, што яго ўлада больш сымбалічная, чым рэальная, ён карыстаецца вялікай папулярнасьцю насельніцтва Тайланду.
-
Джэй Дзі Вэнс: Трамп не бачыць ніякіх прычын, каб эканамічна ізаляваць Расію пасля вайны
-
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны
-
«Заблакуем усё»: у Францыі маштабныя пратэсты, амаль 200 затрыманых і транспартны калапс
Каментары