Срэбра і бронза — таксама ў нашых суайчынніц.
Беларуская спартсменка Ванеса Каладзінская (вагавая катэгорыя да 48 кг) заваявала золата на чэмпіянаце свету па вольнай барацьбе сярод жанчын, які завяршыўся мінулай ноччу ў канадскай Стратконе.
На шляху да тытула чэмпіёнкі свету Ванеса Каладзінская адолела прадстаўніцу ЗША бронзавы медалістку Алімпіяды-2012 Кларысу Чунь, Таццяну Аманжол-Бакацюк з Казахстана, Сяамей Лі з Кітая, а ў фінале - японку Эры Тасаку - 0:2, 1:0, 3:2.
Яшчэ адна прадстаўніца Беларусі Анастасія Гучок (да 63 кг) завяршыла выступленне ўжо пасля стартавага паядынку, саступіўшы Жусцін-Анжэле Бушар з Канады, якая стала затым бронзавай медалісткай. Беларуска жа спынілася на 15-м радку.
Срэбра заваявала беларуская спартсменка Заліна Сідакава (да 59 кг), а бронзавым прызёрам стала Васіліса Марзалюк (да 72 кг).
У катэгорыі да 51 кг беларуска Аліна Рыжова заняла 10-е месца, у вазе да 67 кг Ірына Шаўцова-Цыркевіч апынулася на 15-й пазіцыі, а сярод спартсменак у катэгорыі да 55 кг Надзея Міхалкова стала 14-й.
Усяго ў спаборніцтвах бралі ўдзел прадстаўніцы 28 краін. Каманда Беларусі з трыма ўзнагародамі (1 золата, 1 срэбра і 1 бронза) падзяліла ў медальным заліку 3-5-е месца са зборнымі Канады (1, 1, 1) і Японіі (1, 1, 1). Наперадзе толькі каманды ЗША (2, 1, 1) і Кітая (1, 1, 4).
-
Трэнер, які прывёў клуб да срэбра ў чэмпіянаце Беларусі, будзе трэніраваць каманду з пятага дывізіёна першынства Польшчы
-
Форвард мінскага «Дынама» Дылан Дзюбэ і яшчэ чатыры хакеісты прызнаныя невінаватымі па справе аб сэксуальным гвалце
-
Галоўны трэнер «Нёмана» выканаў дзіўны танец пасля перамогі ў матчы Лігі канферэнцый
Каментары