ДТЗ з перакульваннем аўтамабіля адбылося ля аўтавакзала ў Гродне ў гадзіну пік, у выніку ў цэнтральнай частцы горада ўтварыліся заторы, паведаміў начальнік аддзялення агітацыі і прапаганды УДАІ УУС Гродзенскага аблвыканкама Яўген Дудко.
Кіроўца «жыгулёў» рабіў паварот на скрыжаванні, у гэты момант справа набліжаўся «Додж».Абедзве машыны ехалі на зялёнае святло, аднак пры манеўры кіроўца «жыгулёў» не прапусціў сустрэчны мінівэн. Пасля ўдару ў правыя дзверы «жыгулі» адляцелі, перакуліліся і задыміліся. Ратавальнікам прыйшлося заліць машыну пенай. У другога аўтамабіля пашкоджаны бампер і капот.
Медыцынская дапамога запатрабавалася толькі пасажыру «жыгулёў». У салоне «Доджа» перавозілі дзіця ў дзіцячым аўтакрэсле. У гэтай машыне ніхто не пацярпеў.
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары