НОВЫЯ КНІГІ, ДАСЛАНЫЯ Ў РЭДАКЦЫЮ
Скарыніч: Літаратурна-навуковы гадавік. Вып.4 / Укладальнік А.Каўка. — Менск: Беларускі кнігазбор, 1999. — 240 ас. — Наклад 200 ас. ISBN 985-6318-66-1
Выпуск амаль цалкам прысьвечаны гісторыі славутага ў 1920-я гады літаратурнага аб’яднаньня «Ўзвышша». Дакумэнты друкуюцца з захаваньнем усіх адметнасьцяў арыгіналу — цікавостка для беларускіх філёлягаў. «Скарыніч» таксама піша пра гісторыка Юр’я Туронка.
Сьпеў глушца. Таямніцы запаведнае прыроды: Фотаальбом. У беларускай, ангельскай ды расейскай мовах. Аўтар тэксту й фота І.Бышнёў. Пераклад у ангельскую мову М.Фядосік; Мастак Т.Мельянец. — Менск: Беларусь, 1999. — Наклад 5000 ас. ISBN 985-01-0239-Х
Краявіды беларускае прыроды ня менш, як старыя камяніцы, вежы замкаў ды касьцёлаў сьведчаць пра адметнасьць і непаўторнасьць аблічча нашае краіны.
У.Ягоўдзік. Сем цудаў Беларусі: Для малодшага й сярэдняга школьнага веку / Мастак П.Татарнікаў. — Менск: ВТАА «Кавалер паблішэрз», 1999. — 32 с.: іл. (Сем цудаў Беларусі.) — Наклад 5100 ас. ISBN 985-6427-20-7
Белавеская пушча, крыж сьв.Эўфрасіньні Полацкай, «Біблія» Францішка Скарыны, Сынковіцкая царква, Статут Вялікага Княства Літоўскага 1588 г., слуцкія паясы й Нясьвіскі палац Радзівілаў — гэткі, на думку Уладзімера Ягоўдзіка, сьпіс нашых сямёх цудаў. У іншых кнігах ён абяцаецца дапоўніць гэты сьпіс, у які абавязкова мусяць увайсьці гарадзенская Каложа й полацкая Сафія. Кніга атрымала прыз як лепшая па афармленьні кніга прыватнага выдавецтва на Менскім міжнародным кніжным кірмашы.
Кнігі чытаў Віктар Мухін
Дзмітрый Лукашэнка хоча паставіць пад кантроль усе мабільныя тэлефоны11
Каментары