Новыя кнігі, дасланыя ў рэдакцыю
Архітэктурныя помнікі Полацку: Буклет / Укл. Т.Джумантаевай; Бел., анг. і рас. мовамі. — Менск: Беларусь, 2001. — 34 с.: іл. — Наклад 1000 ас. ISBN 985-01-0369-8
Каляровыя выявы помнікаў першае беларускае сталіцы. Каштуе 3,8 т.р.
Гістарычная брама: Гістарычна-краязнаўчы часопіс. № 1 (18), 2001. — 44 с.: іл. — Наклад 299 ас.
Часопіс выходзіць на Берасьцейшчыне.
Канстытуцыя 3 траўня 1791 року на ліцьвінскае мове ўдзячнымі нашчадкамі перакладзеная й выдадзеная ў гонар 210 угодкаў прыняцьця й на доўгую ўсім ліцьвіном памятку. — Менск-Літоўскі: Вялікалітоўская віртуальная гуртоўня гістарычная «Litvanika», 2001. — 12 с.
Пераклад канстытуцыі Рэчы Паспалітае.
Л.Хмяльніцкая. Гісторык зь Віцебску. (Жыцьцяпіс Аляксея Сапунова). — Менск: Энцыкляпэдыкс, 2001. — 256 с.: іл. — Наклад 500 ас. (Бібліятэка часопісу «Беларускі Гістарычны Агляд»). ISBN 985-6599-23-7
Упершыню поўна выкладзены жыцьцяпіс вядомага віцебскага гісторыка. Пры канцы кнігі зьмешчаны сьпіс ягоных працаў. Цана кнігі 2 т.р.
В.Хурсік. Трагедыя белай гвардыі. Беларускія дваране ў паўстаньні 1863—64 г.: Гістарычны нарыс і сьпісы. — Менск: Пейто, 2001. — 132 с. — Наклад 150 ас. ISBN 985-6024-34-Х
У кнізе зьмешчаныя афіцыйныя расейскія сьпісы рэпрэсаваных па паўстаньні 1863—64 гг. беларускіх шляхціцаў.
А.Чобат. Тутэйшая сага / Рэд. М.Ількевіч. — Смаленск, Горадня, 2000. — 134 с. — (Бібліятэка часопісу «Годы» (Смаленск), вып. 17). — Наклад 200 ас.
Зборнік вершаў аўтара «НН», дарагі падарунак аматарам сапраўднае паэзіі.
Л.Юрэвіч. Вырваныя бачыны. Да гісторыі Саюзу Беларускае Моладзі. Менск: Энцыкляпэдыкс, 2001. — 214 с.: іл. — Наклад 500 ас. (Бібліятэка часопісу «Беларускі Гістарычны Агляд»). ISBN 985-6599-24-5
У кнізе зьмешчаныя ўспаміны дзеячаў СБМ М.Ганько, В.Навіцкага, лісты Н.Абрамавай. Кніга дапаможа ліквідаваць прагал у нашых ведах пра патрыятычную арганізацыю, што дзеіла ў Беларусі за часоў апошняе вайны. Каштуе 2 т.р.
А.Махнач, Р.Горецкий, А.Матвеев и др. Геология Беларуси. — Менск: Ін-т геалёгіі НАНБ, 2001. — 815 с. — Наклад 1000 ас. ISBN 985-6117-56-9
Комплексны досьлед геалёгіі Беларусі. Пры канцы — бібліяграфія. Прадаецца ў краме «Акадэмкніга». Каштуе 10 т.р.
История Беларуси: Учебно-информационное пособие. — Менск: УП «Беларыт», 2001. — 446 с. — Наклад 10000 ас. ISBN 985-6564-21-2
Дапаможнік падрыхтаваны ў БДУ. Цана 2,6 т.р.
Падрыхтаваў Віктар Мухін
Цяпер чытаюць
Расіянка расказвала пра глыбінную моц Лукашэнкі — цяпер яна ў слязах з'язджае з Беларусі18
Каментары