Улада

Абаронцы Горадні зьвярнуліся да ўладаў з патрабаваньнямі

У рэзалюцыі, якая сёньня канчаткова зацьверджана ўдзельнікамі круглага стала, зьвяртаецца ўвага грамадзкасьць Горадні і краіны на крытычную сытуацыю з захаваньнем гісторыка‑культурнай унікальнасьці Старога гораду.

У рэзалюцыі, якая сёння канчаткова зацверждана ўдзельнікамі «круглага стала», звяртаецца ўвага грамадскасці Гродна і краіны на крытычную сітуацыю з захаваннем гісторыка‑культурнай унікальнасці Старога гораду.

На думку аўтараў рэзалюцыі, гэта сітуацыя абумоўлена рамонтна‑будаўнічай актыўнасцю абласных (старшыня аблвыканкама Уладзімір Саўчанка) і гарадскіх уладаў (старшыня гарвыканкама Аляксандр Антоненка, галоўны архітэктар Уладзімір Анісімаў), якія пад лозунгам «рэканструкцыі», фактычна, руйнуюць гістарычны цэнтр Гродна.

Удзельнікі «круглага стала», што прайшоў 21 чэрвеня, патрабуюць ад абласных і гарадскіх уладаў:

1. Дакладнага выканання Генеральнага плана Гродна, зацверджанага ў 2003 годзе.

2. Прыцягнення да адміністрацыйнай і судовай адказнасці тых службовых асобаў, па загаду якіх летам 2006 года быў знішчаны археалагічны слой на Савецкай плошчы і парушана яе гістарычная планіроўка, а ў гэтым годзе руйнуюцца гістарычныя будынкі у цэнтры горада. Таксама прыцягнення да адміністрацыйнай адказнасці вінаватых у масавым спілоўванні дрэваў у межах гораду, якое адбывалася летам 2006‑га і вясной 2007 года.

3. Распрацоўкі комплекснага плана рэстаўрацыі і рэгенерацыі гістарычнага цэнтра.

4. Стварэння абласных навукова‑праектных і вытворчых рэстаўрацыйных структур.

5. Шырокага абмеркавання праблемы «рэканструкцыі» гістарычнага цэнтра ў сродках масавай інфармацыі з адлюстраваннем розных поглядаў на яе ход і вынікі.

6. Публікацыі і грамадскага абмеркавання ўжо існуючых праектаў «рэканструкцыі» будынкаў і кварталаў гістарычнага цэнтра. Увядзенне жорсткага правіла, што прыняцце падобных праектаў павінна адбывацца толькі на конкурснай аснове, з запрашэннем незалежных экспертаў, ва ўмовах галоснасці і з улікам меркаванняў грамадскасці.

7. Вярнуцца да ідэі аднаўлення ўзарванай у 1961 годзе «Фары Вітаўта» (Касцёл Унебаўзяцця Маці Божай» (XVI ст.), а таксама рэгенерацыі знішчаных у пасляваенны час фрагментаў горадабудаўнічага комплексу на вул. Замкавай і Савецкай.

Удзельнікі «круглага стала» гатовыя арганізаваць гісторыка‑культуралагічны лекторый для адказных работнікаў гораду і вобласці, прысвечаны і праблемам рэстаўрацыі помнікаў гісторыі і культуры, а таксама аказаць усялякую дапамогу ў справе аднаўлення знішчаных у ХХ і ХХІ стагоддзях помнікаў гісторыі і культуры Гродна. У прыватнасці, дапамагчы ў правядзенні навуковых (архіўных) даследаванняў, вынікі якіх могуць стаць асновай для распрацоўкі праектаў захавання і рэвіталізацыі гістарычнага цэнтра.

Рэзалюцыю падтрымалі 48 удзельнікаў круглага стала, паведамляе прэс‑служба гарадзенскіх прыхільнікаў руху «За Свабоду».

Нагадаем, што на паседжанне «круглага стала» былі запрошаныя прадстаўнікі афіцыйных структураў, недзяржаўных грамадскіх арганізацый, а таксама ўсе жадаючыя. У выніку сабралася болей 50‑ці чалавек, у тым ліку выкладчыкі Гродненскага дзяржаўнага ўніверсітэту, якім неабыякавы лёс старажытнай Горадні. Частка з іх прадстаўляла розныя грамадскія арганізацыі Гарадзеншчыны і палітычныя партыі. Як падкрэсліваюць у прэс‑службе гарадзенскіх прыхільнікаў руху «За Свабоду», прадстаўнікі афіцыйных структураў не былі заўважаныя. Улады ў чарговы раз праігнаравалі прапанову дыялогу.

На «круглым стале» выступалі гісторыкі Алесь Смалянчук, Аляксандр Краўцэвіч, Вячаслаў Швед, Андрэй Вашкевіч, Ігар Лапеха, Наталля Сліж, Ірына Кітурка, лідэр руху «За Свабоду» Аляксандр Мілінкевіч, архітэктары Алена Пархута і Роланд Жамойцін.

Каментары

Цяпер чытаюць

Як склалася ў эміграцыі жыццё 22‑гадовай «тэрарысткі» Дануты Перадні, якую вызвалілі па памілаванні3

Як склалася ў эміграцыі жыццё 22‑гадовай «тэрарысткі» Дануты Перадні, якую вызвалілі па памілаванні

Усе навіны →
Усе навіны

Рыбная каралева Беларусі Няронская стане рэстаратарам. А маладога зяця Лукашэнкі зрабіла сваім дырэктарам3

Камандзірам важнай брыгады УСУ стаў 26-гадовы: што вядома пра Героя Украіны Максіма Данільчука6

Мінздароўя: Новы падвід каранавіруса «стратус» актыўна займае нішу ў Беларусі

Марына Адамовіч расказала пра сваю размову са Статкевічам на мяжы

У Мінску занепакоіліся адтокам дактароў з паліклінік і бальніц7

Каровы як зебры і яшчаркі, якія любяць піцу — у Гарвардзе ўручылі шнобелеўскія прэміі4

Лукашэнка ўгледзеў недахопы ў добраўпарадкаванні Жыровічаў3

Менеджара банка з Наваполацка асудзілі — імаверна, за Гаюн

Чэшскі дыпламат абвешчаны персонай нон грата і павінен пакінуць Беларусь

больш чытаных навін
больш лайканых навін

Як склалася ў эміграцыі жыццё 22‑гадовай «тэрарысткі» Дануты Перадні, якую вызвалілі па памілаванні3

Як склалася ў эміграцыі жыццё 22‑гадовай «тэрарысткі» Дануты Перадні, якую вызвалілі па памілаванні

Галоўнае
Усе навіны →

Заўвага:

 

 

 

 

Закрыць Паведаміць