Pieršaja čarnaskuraja hubernatarka ŭ historyi
27-m hienerał-hubernataram Kanady stała čarnaskuraja ŭradženka Haici, eks-žurnalistka Mišel Žan. Inaŭhuracyja prajšła ŭ prysutnaści jejnaha muža i šaścihadovaj pryjomnaj dački. 48-hadovaja M.Žan stała adnoj z samych maładych hienerał-hubernataraŭ u historyi krainy j treciaj žančynaj na hetaj pasadzie. Hienerał-hubernatar — pasada zbolšaha naminalnaja — jość pradstaŭnikom u Atavie brytanskaj karalevy i pryznačajecca joj z rekamendacyi premjer-ministra Kanady.
Biaskoncy śpis Karadžyča
U Bośnii praviedziena ekshumacyja ciełaŭ jašče sta achviaraŭ masavaj raspravy nad musulmanami ŭ Srebranicy ŭ 1995 h. Usiaho byli znojdzieny cieły vaśmi tysiačaŭ achviaraŭ serbskaha hienacydu. Hałoŭnyja vinavatyja ŭ hetaj trahiedyi Radavan Karadžyč i hienerał Radka Mładzič rasšukvajucca Haaskim trybunałam.
Nursułtan vierny tradycyjam
Kiraŭnik Kazachstanu Nursułtan Nazarbajeŭ, što balatujecca na čarhovy prezydencki termin, admoviŭsia ad udziełu ŭ teledebatach. Pres-sakratar jahonaha vybarčaha štabu Arman Šurajeŭ miarkuje, što teledebaty paspryjajuć reklamie kankurentaŭ Nazarbajeva. Lidery SND lubiać dakazvać svaju pieravahu nad apanentami zavočna.
Vajny nia budzie
Jakaja-kolviečy vajskovaja akcyja suprać Iranu nie abmiarkoŭvajecca, — zajaviŭ u interviju BBC kiraŭnik brytanskaha MZS Džek Stro. Hetak jon prakamentavaŭ słovy Džordža Buša, jaki niekalki dzion tamu zajaviŭ pra mahčymaść vajennaha cisku na Iran. Stro spadziajecca, što kryzis, źviazany ź iranskaj jadziernaj prahramaj, udasca vyrašyć dyplamatyčnym čynam.
Eŭrapiejski dzień Voli
Z nastupnaha hodu na kantynencie budzie śviatkavacca Dzień voli i salidarnaści. Adnačacca jon budzie 31 žniŭnia, va ŭhodki polskaj «Salidarnaści». Adpaviednaje rašeńnie pryniaŭ u sieradu, 28 vieraśnia, Eŭraparlament.
AH; echo.msk.ru
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary