Pjanych kiroŭcaŭ – u turmu
Vadzicieli, što kirujuć transpartnym srodkam u niećviarozym stanie, buduć pryciahvacca da kryminalnaj adkaznaści. Hetaja norma praduhledžana papraŭkami ŭ Kryminalny kodeks, pryniatymi pałataj pradstaŭnikoŭ 26 kastryčnika. Adkaznaść «zapracuje» pry paŭtornym ciaham hodu kiravańni aŭtmabilem u niećviarozvym stanie albo pry admovie prajści medahlad. Parušalnik budzie nakazvacca pazbaŭleńniem pravoŭ zajmać peŭnyja pasady, štrafam abo aryštam da šaści miesiacaŭ ci vypraŭlenčymi pracami terminam na dva hady.
Biełaruskamoŭny sajt znajomstvaŭ
Z 24 kastryčnika zapracavaŭ biełaruskamoŭny sajt znajomstvaŭ «Mara» (www.mara.by). Arhanizatary sajtu kažuć, što resurs budzie vykonvać važnuju funkcyju pa zapaŭnieńni biełaruskaha kantentu ŭ siecivie.
Kazulina pahnali
26 kastryčnika ŭ Miensku, u Pałacy vodnaha sportu, adbyłosia pasiadžeńnie pryśviečanaje vystupu biełaruskich frystajlistaŭ na Zimovaj alimpijadzie —2006 u Turynie. Vidoviščny frystajł — dyscyplina, jakaja moža prynieści biełarusam medal na hulniach. Prysutnych paznajomili z novym kiraŭnikom Biełaruskaj federacyi frystajłu, namieśnikam ministra finansaŭ Anatolem Śvieržam. Dahetul naminalna pasadu staršyni zajmaŭ eks-rektar BDU, a ciapier palityk Alaksandar Kazulin.
Statkieviča nie puskajuć u Miensk
Administracyja Baranavickaj speckamendatury admoviła Mikołu Statkieviču ŭ karotkaterminovym adpačynku. Sam sp. Statkievič miarkuje, što milicyniaty vykonvajuć rasparadžeńnie źvierchu, «pomściačy» za toje, što palityka časta naviedvajuć adnadumcy, žurnalisty, dyplamaty. Pavodle zakanadaŭstva, kali asudžany nie parušaŭ praviłaŭ unutranaha rasparadku i nia mieŭ zaŭvah, jamu majuć dać trochdzionny adpačynak cieraź miesiac paśla pačatku adbyćcia pakarańnia.
AR; afn.by, charter97.org
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie7
Kamientary