Nieviadomaja firma zajmałasia kantrabandaj biełaruskaha dyziela ŭ Čechiju
Kanfiskavanaje češskimi mytnikami biełaruskaje dyzpaliva pradadziena na aŭkcyjonie.
Jašče ŭ studzieni minułaha hoda ŭ Čechii byli zatrymanyja 24 čyhunačnyja cysterny z dyzpalivam, jakija prybyli ź Biełarusi tranzitam praz Polšču. Pryčynaj kanfiskacyi stali niavypłata padatkaŭ firmaj-uładalnikam hruzu, nazva jakoj nie vydajecca, paviedamlaje vydańnie «Pražskij ekspriess».
Hałoŭnaje finansavaje ŭpraŭleńnie Minfina krainy inicyjavała zaviadzieńnie kryminalnaj spravy ŭ dačynieńni da hrupy asob, jakija chacieli zavałodać dyzpalivam ašukanskim šlacham, adnak čym jana skončyłasia, pakul nieviadoma.
Paśla, firma ź jurydyčnym adrasam u Prazie mieła mahčymaść zapłacić padatki, ale hetaha zroblena nie było.Tamu było pryniataje rašeńnie pradać dyzpaliva na aŭkcyjonie. Vyručka budzie nakiravanaja na pakryćcio škody, paniesienaj Čechijaj z-za niavypłaty padatkaŭ.
Dyzpaliva ź Biełarusi było pradadziena na aŭkcyjonie za 21,3 młn kron (1 miljon 110 tysiač dalaraŭ), paviedamlaje aficyjny sajt ministerstva finansaŭ Čechii.
Było pradadziena 1,4 młn litraŭ dyzpaliva, startavy košt składaje 17 młn kron (860 tysiač dalaraŭ).
Nahadajem, Biełaruś u minułym hodzie aktyŭna zajmałasia kantrabandaj naftapraduktaŭ, vyrablenych z rasiejskaj syraviny ŭ krainy Jeŭraźviaza. Datyčnymi da hetaha byli firmy, jakija naležać aliharcham ź blizkaha atačeńnia Łukašenki.
Słova «Unavatuna» značyć «raj». Dzie na Šry-Łancy adpačyvała Mielnikava13
Kamientary