Paśla pastanoŭki «Don Žuana» Kupałaŭski rychtuje novuju premjeru. Jak paviedamlaje sajt teatra,
u kalektyvie pačalisia repietycyi śpiektakla «Tata». U asnovie budučaha śpiektakla – pjesa «Cichi šepat sychodziačych krokaŭ». Jaje aŭtar Dźmitryj Bahasłaŭski – uzychodziačaja zorka biełaruskaj dramaturhii.
Jaho pjesy, adznačanyja pryzami i ŭznaharodami mižnarodnych dramaturhičnych konkursaŭ i fiestyvalaŭ, iduć u Kijevie, Maskvie, Abakanie, Ułan-Ude, Novasibirsku i Ufie. Cikava, što ŭ vieraśni minułaha hoda «Cichi šepat sychodziačych krokaŭ» pastavili ŭ Respublikanskim teatry biełaruskaj dramaturhii.
Pavodle siužeta, były vajskoviec Alaksandr (jaho rolu ŭ roznych składach buduć vykonvać Raman Padalaka abo Siarhiej Rudenia) viartajecca paśla śmierci baćki (Hienadź Aŭsiańnikaŭ, Hienadź Harbuk) u rodny dom. Siostry Alaksandra chočuć pradać budynak. Hałoŭny hieroj suprać. Alaksandr sprabuje razabracca, ci lubiŭ jaho baćka, jaki navat paśla śmierci prychodzić da jaho ŭ snach.
Režysioram «Taty» budzie Kaciaryna Avierkava (u Kupałaŭskim jana staviła śpiektakli «Zima» i «Ofis»). Dekaracyi rychtuje hałoŭny mastak teatra Barys Hierłavan. Kaściumy – vypusknica apošniaha Volha Ščarbinskaja. Muzyku da pastanoŭki piša Maćviej Saburaŭ.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES39
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary