Hałandski aficer zaklikaŭ ministra abarony nakiravać vajskovy kantynhient va Ukrainu
Marsel van Chiemiert. Fota z Facebook.
Aficer Karaleŭskich uzbrojenych sił Nidrłandaŭ Marsel van Chiemiert napisaŭ adkryty list da ministra abarony krainy Žanin Chienis-Płasšert z zaklikam adpravić hałanskich vajskoŭcaŭ va Ukrainu, na miesca padzieńnia «Boinha» avijakampanii «Malaysian Airlines», što byŭ źbity ŭ minułuju piatnicu.
«Šanoŭnaja spadarynia Žanin Chienis-Płasšert,
Paśla katastrofy rejsa MH17 prajšło ŭžo čatyry poŭnyja žałoby, smutku i spačuvańnia dni.
Pareštki samalota i cieły zahinułych raskidanyja ŭ radyjusie mnohich kiłamietraŭ na terytoryi, kantrol nad jakoj asprečvaje vojska Ukrainy i prarasijskija sieparatysty.
Šanoŭnaja ministr, toje, što adbyvajecca ź ciełami niabožčykaŭ, siarod jakich amal 200 hramadzianaŭ Niderłandaŭ, jość najvialikšaj niepavahaj i asbalutna nieprymalna.
ABSIE sprabuje ŭziać kantrol nad situacyjaj u svaje ruki.
Tym časam, u sacsietkach hučać zakliki da realnych dziejańniaŭ.
Šanoŭnaja ministr, ja prašu vas vykarystać vaš upłyŭ na premjer-mintstra Rute z metaj jak maha chutčej arhanizavać kamandziroŭku — viadoma, uzhodnienuju z aficyjnymi ŭkrainskimi ŭładami — hałandskaha vojska va Uschodniuju Ukrainu, kab usimi mahčymymi i nieabchodnymi srodkami uziać situacyju pad kantrol i prasačyć za pavažlivym staŭleńniem da achviar.
Heta mienšaje, što my možam zrabić dla našych suhramadzian, jakija zahinuli ŭ vyniku złačynnaha idyjatyzmu», — napisaŭ Marsel van Chiemiert u Facebook.
U kancy lista aficer padkreślivaje, što hałandskija vajskoŭcy dobra ŭśviedamlajuć svaje abaviazki i buduć dziejničać tolki zhodna z zahadam kamandvańnia.
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary