U Jeŭrapiejskim Sajuzie zajaŭlajuć, što Rasija, dasłaŭšy humanitarny kanvoj biez supravadžeńnia Čyrvonaha Kryža i zhody ukrainskaj ułady, parušyła ŭkrainskuju miažu, i zaklikajuć Rasiju admianić hetaje rašeńnie.
Pra heta paviedamiŭ pradstaŭnik Źniešniaj słužby ES (ZSJeS).
«Jeŭrapiejski Sajuz škaduje ab rašeńni Rasii nakiravać humanitarny hruz na terytoryju Ukrainy biez supravadžeńnia Čyrvonaha Kryža i zhody ŭkrainskaj ułady. Heta vidavočnaje parušeńnie miažy z Ukrainaj. Heta taksama idzie nasupierak papiarednim damoŭlenaściam, dasiahnutymi pamiž Ukrainaj, Rasijaj i Mižnarodnym kamitetam Čyrvonaha Kryža. My zaklikajem Rasiju admianić svajo rašeńnie», — zajaviŭ jon.
Pradstaŭnik Źniešniaj słužby ES padkreśliŭ, što z metaj zabieśpiačeńnia vykanańnia normaŭ mižnarodnaha humanitarnaha prava i pryncypaŭ kanvoju, jaki pavinien być vyklučna humanitarnaha charaktaru, kanvoj pavinien być u supravadžeńni MKČK.
«My vysoka aceńvajem ŭkrainskuju ŭładu za jaje strymanaść, a taksama hatoŭnaść dla praviadzieńnia pieramovaŭ z tym, kab paźbiehnuć dalejšaj eskałacyi kryzisu. Ukrainskija suvierenitet, terytaryjalnaja cełasnaść, adzinstva i niezaležnaść pavinny zachoŭvacca», — padkreśliŭ jon.
Akramia taho, pradstaŭnik ZS ES znoŭ nahadaŭ pra pazicyju ES, zhodna ź jakimi humanitarnaja dapamoha Rasii pavinna być nakiravana ŭ poŭnaj adpaviednaści ź mižnarodnym humanitarnym pravam i pryncypami — praź mižnarodnyja humanitarnyja arhanizacyi i pa ŭzhadnieńni z uradam Ukrainy.
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary