Bajeviki, jakija napali na siłavikoŭ u Hroznym, uvachodziać u hrupoŭku Asłana Biutukajeva
Bajeviki, jakija rasstralali minułaj nočču ŭ centry Hroznaha narad DPS, i potym zachapili budynak Doma druku, uvachodziać u hrupoŭku palavoha kamandzira Asłana Biutukajeva, ličyć krynica ŭ siłavych strukturach respubliki.
«Jość padstavy mierkavać, što błakavanyja nočču ŭ budynku Doma druku bajeviki, jakija pierad hetym rasstralali post DIBDR, zabiŭšy i paraniŭšy niekalki supracoŭnikaŭ, uvachodziać u hrupoŭku palavoha kamandzira Asłana Biutukajeva, viadomaha siarod udzielnikaŭ niezakonnych uzbrojenych farmiravańniaŭ jak «amir Chamzat», — zajaviŭ surazmoŭca.
Napadniki byli apranutyja ŭ formu supracoŭnikaŭ siłavych struktur, što dazvoliła im praktyčna bieśpieraškodna prakraścisia ŭ Hrozny i rasstralać palicejski post.
Asłan Biutukajeŭ, pavodle jaho słoŭ, zajmaje ŭ ijerarchii bajevikoŭ pasadu «amira Čačni». Taksama pad jaho kiraŭnictvam znachodzicca bataljon śmiarotnikaŭ «Ryjad as-Salichijn» (Sady praviednych), stvorany ŭ svoj čas jašče viadomym čačenskim palavym kamandziram Šamilom Basajevym.
«Biutukajeŭ — uradženiec Ačchoj-Martanaŭskaha rajona, jamu 40 hadoŭ. Jon znachodzicca ŭ fiederalnym vyšuku za ździajśnieńnie šerahu ciažkich złačynstvaŭ, u liku jakich i arhanizacyja terarystyčnaha aktu ŭ aeraporcie «Damadziedava» ŭ 2011 hodzie. U tak zvanym «Imarata Kaŭkaz» jon adzin čas byŭ adkaznym za «paŭdniova-zachodni kirunak» u Čačni, i źjaŭlaŭsia namieśnikam Doku Umarava», — rastłumačyŭ pravaachoŭnik.
3 śniežnia na servisie YouTube źjaviŭsia videazvarot ad asoby čačenskich bajevikoŭ, u jakim adzin ź ich paćviardžaje, što napad na Hrozny ździejśniena pa zahadzie «amira Chamzata», a bajeviki znachodziacca ŭ padparadkavańni lidara pryznanaj ŭ RF terarystyčnaj arhanizacyjaj «Imarata Kaŭkaz» Alischaba Kiebiekava.
U jakaści matyvaŭ napadu bajavik nazvaŭ «ŭcisk musulman». Pa słovach čałavieka na videa, siarod siłavikoŭ jość straty, paškodžana technika.
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary