Niahledziačy na składanyja ŭmovy 2014 hoda, u Biełarusi ŭdałosia dasiahnuć adnosnaj zbałansavanaści ekanomiki, zajaviŭ vice-premjer Piatro Prakapovič, vystupajučy 19 śniežnia na sumiesnym pasiadžeńni abiedźviuch pałat Nacyjanalnaha schodu.
«Na žal, sioleta nam davodziłasia pracavać va ŭmovach, jakija nie mahli pradbačyć pry pracy nad prahnoznymi pakazčykami. Heta, pa-pieršaje, padziei va Ukrainie. Nie mahli my pradbačyć i toje, što adbudziecca ŭ našaha hałoŭnaha partniora — Rasijskaj Fiederacyi. Tamu davodziłasia karektavać prahnoznyja pakazčyki, prystasoŭvacca da novych umoŭ», — skazaŭ Prakapovič.
Urešcie, dadaŭ jon, nie tolki źniešnija faktary nie dazvolili vykanać prahnoznyja pakazčyki: «Paŭpłyvali i ŭnutranyja faktary — što my nie ŭ dastatkovaj stupieni pavysili kankurentazdolnaść našaj pradukcyi na ŭnutranym i źniešnim rynkach».
Tym nie mienš, ličyć vice-premjer, hałoŭnaja zadača ŭ 2014 hodzie vykananaja: rost realnych dachodaŭ nasielnictva za 11 miesiacaŭ skłaŭ 101,7%.
Admoŭnym faktaram Prakapovič nazvaŭ toje, što pytańni stabilizacyi vyrašalisia nie tolki za košt unutranych resursaŭ, ale i praz restrukturyzacyju źniešniaha doŭhu.
U cełym ža vyniki hoda, na dumku vice-premjera, možna ličyć stanoŭčymi.
Ciapier čytajuć
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty5
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary