Kali ŭrad nie prymie dadatkovych rašeńniaŭ na valutnym rynku, mnohija biełaruskija pradpryjemstvy mohuć spynić pracu, zajaviŭ u intervju BiełaPAN sustaršynia Respublikanskaj kanfiederacyi pradprymalnictva Viktar Marhiełaŭ.
Pavodle jaho słoŭ, paśla ŭviadzieńnia kamisijnaha zboru pry kupli zamiežnaj valuty mnohija pradpryjemstvy apynulisia na miažy bankructva. «Pakul imparciory prypynili pracu, a nadalej mohuć prypynić pracu arhanizacyi, dziejnaść jakich źviazana ź impartam. U suviazi z hetym možam atrymać spad u pracy pramysłovych pradpryjemstvaŭ», — skazaŭ Marhiełaŭ.
U novych umovach pracy na finansavym rynku mnohim arhanizacyjam pahražaje bankructva ŭ suviazi ź vialikimi valutnymi abaviazacielstvami. «Papali» tyja, chto maje valutnyja kredyty, uvioz bieź pieradapłaty impartny tavar i mnohija inšyja katehoryi pradpryjemstvaŭ», — adznačyŭ sustaršynia kanfiederacyi.
Situacyju, pavodle jaho słoŭ, uskładniaje toje, što ŭstanoŭleny padatak na kuplu zamiežnaj valuty pradpryjemstva pavinny vypłačvać za košt čystaha prybytku. «Hety zbor davodzicca vypłačvać varvarskim sposabam», — padkreśliŭ Marhiełaŭ.
Kab paźbiehnuć ciažkich nastupstvaŭ dla ekanomiki nieabchodna jak maha chutčej vychodzić na adziny kurs dołara i navodzić paradak na valutnym rynku, pierakanany sustaršynia Respublikanskaj kanfiederacyi pradprymalnictva.
Jak viadoma, 19 śniežnia biełaruskija ŭłady abjavili ab uviadzieńni 30-pracentnaha zboru, jaki jurydyčnyja i fizičnyja asoby pavinny vypłačvać pry kupli zamiežnaj valuty. Praź dziesiać dzion pamier zboru pry kupli zamiežnaj valuty byŭ źnižany da 20%. Takoje rašeńnie Nacbank rastłumačyŭ «narmalizacyjaj situacyi na finansavym i valutnym rynkach krainy».
Paśla ŭviadzieńnia zboru biełaruskija biźnies-sajuzy nakiravali va ŭrad list, u jakim zaklikali pryznać fakt devalvacyi biełaruskaha rubla i pravieści jaje aficyjna z 1 studzienia 2015 hoda.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ9
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1717
Kamientary