28-hadovy bostanski biełarus Piatro Biardoŭski, bolš viadomy ŭ amerykanskich mastackich kołach jak Zebler, nazvany šeraham vydańniaŭ ZŠA «samym skandalnym mastakom hodu».
28-hadovy bostanski biełarus Piatro Biardoŭski, bolš viadomy ŭ amerykanskich mastackich kołach jak Zebler, nazvany šeraham vydańniaŭ ZŠA «samym skandalnym mastakom hodu».
Kolišni navučeniec haradzienskaj škoły N 10 apynuŭsia ŭ ZŠA ŭ 1996 hodzie pa prahramie mižnarodnych abmienaŭ. Tut jon paprasiŭ palityčnaha prytułku. Adukacyju atrymaŭ u koledžy mastactvaŭ u Masačusetsie.
Pavodle bostanskich krytykaŭ, mastacki napramak Biardoŭskaha — adna z formaŭ videa—artu, «nastolki novaja, što jaje nielha nazvać adnym słovam». Raniej amerykanskija vydańni šmat pisali pra aryhinalnyja performansy Biardoŭskaha ŭ Vašynhtonie, Čykaha, na Alascy i ŭ Muzei mastactva Berkli ŭ Kalifornii.
Apošnim časam Biardoŭski trapiŭ u pole amerykanskich ŚMI zusim ź inšaj nahody. Letaś jon i jahony kaleha — amerykaniec Šon Styvens — byli abvinavačanyja ŭ «stvareńni z dapamahaj svajoj tvorčaści atmasfery strachu siarod usiaho bostanskaha nasielnictva». Sioleta abodva mastaki byli vyzvalenyja z zali sudu pad zakład u 2,5 tysiačy dalaraŭ.
Adrozna ad svajho kalehi Šona Styvensa, jaki rezka spyniŭ usie kantakty z presaj, Piotr Biardoŭski nikolki nie saromiejecca. Jon achvotna i z padrabiaznaściami raskazvaje pra letašni skandał. Usio pačałosia z taho, što razam sa Styvensam jany pa damovie z markietynhavaj kampanijaj Turner Broadcasting ustalavali ŭ Bostanie śvietavyja tabło i pry dapamozie lichtarykaŭ stvaryli na ich viadomyja vobrazy adnaho papularnaha animacyjnaha seryjału dla darosłych. Heta byli: šklanka z koka—kołaj, miasny kavałačak, inšyja stravy fast‑fudu. Kali ŭ seryjale hetyja hieroi nie saromielisia havaryć nieprystojnyja žarty, to ŭ reklamie jany demanstravali nieprystojnyja žesty palcam.
Nieŭzabavie pravady i kabieli la tabło naściarožyli palicyju. Adnačasna ŭ FBR trapiła infarmacyja pra mahčymy terakt. Na miescy, dzie pa viečarach źjaŭlalisia hieroi «multykaŭ», prybyli bryhady sapioraŭ. Biardoŭskaha i Styvensa aryštavali. Ich abvinavačvali ŭ nahniatańni paniki siarod haradzkoha nasielnictva. Adnak potym prakuratura pryznała, što vyjhrać hetuju spravu naŭrad ci mahčyma.
Svaim ciapierašnim zvańniem «Samy skandalny čałaviek hodu» Piotr Biardoŭski vielmi hanarycca. U razmovie z presaj, «patłaty i epatažny» Biardoŭski, reahuje na ŭsio z prysutnym jamu «nadzvyčajnym pačućciom humaru». Drukavanym medyjam jon prapanuje nabyć tyja freski, jakija jon z Šonam Styviensam zrabiŭ na budynku špitalu ŭ časie papraŭčych hramadzkich pracaŭ. Heta mastactva jon nazyvaje mastactvam apošniaj hieneracyi, «svojeasablivym piure z ułasnaha mastactva i tvoraŭ inšych».
U časie presavych kanferencyjaŭ, Biardoŭski moža pieravieści absalutna ŭsie pytańni žurnalistaŭ ŭ adno rečyšča:
«Biardoŭski: «Vy viedajecie, heta vielmi dobraje pytańnie… Adnak pra što my, sapraŭdy, chacieli b pahavaryć i što, mahčyma, vielmi važna dla mnohich ludziej — heta pra styl pryčosak 1970—ch hadoŭ. Vy pytajeciesia, jak ja siabie adčuvaju? Asabista ja vielmi dobra adčuvaju, kali ŭ mianie takija cudoŭnyja vałasy».
U razmovie z Associated Press, jakaja adbyłasia litaralna dniami, Biardoŭski, u pryvatnaści, skazaŭ:
«Ja razhladaju uvahu ŚMI jak padstavu dla majho pośpiechu ŭ jakaści ŭ mastaka. Dla mianie važnaja kožnaja mahčymaść źjavicca na publicy».
Niadaŭniaja ekspazycyja Piatra Biardoŭskaha ŭ muzei ŭ Berkli vyklikała nadzvyčajny intares siarod znaŭcaŭ i amataraŭ ličbavaha mastactva. Jak kaža kuratar vystavy Ryčard Rynehart, « kala 500 čałaviek pryjšli ŭ muzej admysłova na performans Biardoŭskaha, i ŭsie jany byli ŭražanyja jahonaj tvorčaściu.»
Pavodle Ryneharta, jon arhanizavaŭ vystavu nie z—za «durnoj słavy» mastaka, a pa rekamendacyi svaich kalehaŭ.
«Adnak, — dadaje Rynehart, — palityčny skandał takoha kštałtu dobra spracoŭvaje ŭ Berkli.»
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj11
Kamientary