«My budziem tolki rady, kali kantrolny pakiet akcyj pradpryjemstva kupić rasiejski investar», — kaža hiendyrektar pradpryjemstva.
«My budziem tolki rady, kali kantrolny pakiet akcyj pradpryjemstva kupić rasijski inviestar», — skazaŭ jon.
Pavodle źviestak aficyjnych krynic, 17 studzienia na pres‑kanfierencyi ŭ Minsku namieśnik ministra infarmacyi Ihar Łapcionak paviedamiŭ, što «patencyjalny pakupnik z Rasii prapanuje kupić kantrolny pakiet akcyj Palihrafkambinata im. Ja.Kołasa i inviestavać 7 młn. jeŭra ŭ jaho rekanstrukcyju». «Nas zadavalniajuć umovy pakupnika, i my spadziajemsia, što sioleta ździełka ŭsio ž adbudziecca», — zajaviŭ I.Łapcionak.
Na dumku V.Hiermanava, «kazać pra zaklučeńnie ździełki pakul rana, tamu što dakumienty, nakiravanyja na padpisańnie prezidentu, viernuty na dapracoŭku». Jon paviedamiŭ, što patencyjalnym inviestaram z\jaŭlajecca bujny rasijski vydaviecki chołdynh «AST». Aprača hetaha, hiendyrektar zaznačyŭ, što zhadanaja kampanija z\jaŭlajecca bujnym zamoŭcam pradpryjemstva. «Dźvianosta piać pracentaŭ mahutnaściej pradpryjemstva zahružany mienavita zamovami z Rasii», — paviedamiŭ kiraŭnik Palihrafkambinata.
Pres‑słužba vydavieckaj hrupy «AST» pakul nie kamientuje infarmacyju ab namierach nabyć biełaruskaje pradpryjemstva.
Palihrafičny kambinat imia Ja.Kołasa zasnavany ŭ Minsku ŭ 1956 hodzie. Pradpryjemstva śpiecyjalizujecca na vypusku knižnaj pradukcyi. Ciapier vypuskaje ŭ hod da 2.700 najmieńniaŭ knih i brašur ahulnym nakładam bolš za 30 młn. asobnikaŭ. Akcyjanavańnie adbyłosia ŭ 2003 hodzie. Dola dziaržavy ŭ statutnym fondzie — 94,8%. Heta adzinaje palihrafičnaje pradpryjemstva ŭ Biełarusi, jakoje ŭ 2002 hodzie atrymała siertyfikat adpaviednaści patrabavańniam STB ISO 9002‑96.
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj7
Kamientary