Kalehija JEEK admianiła abmiežavańni na pastaŭki biełaruskich kamvolnych tkanin u Rasiju, paviedamiła pres-słužba Ministerstva handlu.
Pa inicyjatyvie Minhandlu hetaje pytańnie było vyniesiena na razhlad kalehii JEEK paśla praviadzieńnia adpaviednych kansultacyj z rasijskim bokam. U vyniku 14 lipienia na pasiadžeńni kalehii pryniata rašeńnie ab nieabchodnaści admieny Rasijaj rasparadžeńniaŭ rasijskaha ŭrada, jakija praduhledžvajuć u jakaści abaviazkovaj umovy pry zaklučeńni kantraktaŭ na pastaŭku rečavaj majomaści abaviazak vykanaŭcaŭ adpaviednych dziaržaŭnych kantraktaŭ ažyćciaŭlać zakupki kamvolnych tkanin dla vytvorčaści formiennaha adzieńnia ŭ TAA «Branski kamvolny kambinat».
Nazvanaje abmiežavańnie pryvodziła da niemahčymaści AAT «Kamvol» udzielničać u pracedurach zakupak pa pastaŭcy kamvolnych tkanin.
Rašeńnie kalehii JEEK nabudzie moc paśla zakančeńnia 30 dzion z daty jaho aficyjnaha apublikavańnia. Pry hetym Rasijskaja Fiederacyja na praciahu dvuch miesiacaŭ pavinna prainfarmavać JEEK i inšyja dziaržavy — členy JEAES ab admienie vyklučeńnia z nacyjanalnaha režymu.
Jak raniej paviedamlaŭ žurnalistam pieršy namieśnik staršyni kancerna «Biellehpram» Viačasłaŭ Mirusin, patreba ŭ kamvolnych tkaninach siłavych struktur Rasii składaje 2 młn. pahonnych mietraŭ u hod. Pavodle jaho słoŭ, patencyjał u 2014 hodzie AAT «Kamvol» u takich pastaŭkach moh by skłaści minimum 1 młn. pahonnych mietraŭ na 10 młn. dołaraŭ.
«Biellehpram» pry farmiravańni Mytnaha sajuza i zatym JEAES aktyŭna ŭzajemadziejničaŭ ź JEEK, — paviedamiŭ Mirusin. — Byŭ uniesieny šerah prapanoŭ dla razhladu kamisijaj. Tak, było inicyjavana śpiecyjalnaje abaronnaje rasśledavańnie pa posudzie z farforu, byli źnižany ŭvaznyja mytnyja pošliny na asobnyja vidy pałotnaŭ dla harsetnych vyrabaŭ, skury dla vytvorčaści palčatak. JEEK taksama pryniała rašeńnie ab adniasieńni lohkaj pramysłovaści da pryjarytetnych siektaraŭ ekanomiki. I na padstavie hetaha rašeńnia raspracoŭvajecca płan mierapryjemstvaŭ pa farmiravańni adzinaj pramysłovaj palityki ŭ hetym siektary».
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8
Kamientary