Aŭtar prajekta ŭ padtrymku JUNISIEF naviedaje Minsk padčas kruhaśvietnaha padarožža
Aŭtar prajekta ŭ padtrymku Dziciačaha fondu AAN (JUNISIEF) Endru Parkier naviedaje Minsk u čas svajho kruhaśvietnaha padarožža. Pra heta paviedamiła daradca JUNISIEF u Biełarusi Julija Navičonak.
Endru Parkier — piłot pavietranaha šara z Novaj Ziełandyi. Jon płanuje abjechać 100 krain śvietu na praciahu čatyroch z pałavinaj hadoŭ, padarožničajučy na svaim trejlery i za ŭłasnyja srodki. Meta hłabalnaha dabračynnaha prajekta «Uźlatajučy ŭvyś dziela dziaciej» — pryciahnuć uvahu ludziej usiaho śvietu da pravoŭ dziciaci, u tym liku da prablem dziaciej z asablivaściami raźvićcia. Prajekt nahadvaje ludziam ab hałoŭnaj misii JUNISIEF — abaronie dziaciej. Endru pradaŭ svoj biźnies, vyrašyŭšy dapamahać dzieciam i JUNISIEF, jon upeŭnieny, što ažyćciaŭleńnie dziciačych spadziavańniaŭ i nadziej moža źmianić žyćcio.
Novaziełandziec prymie ŭdzieł u fiestyvali avijacyjnaha sportu, jaki projdzie ŭ Minsku 17-19 lipienia, a taksama ŭ akcyi «Načnoje śviačeńnie pavietranych šaroŭ».
Asnoŭnaja meta raboty JUNISIEF — abarona pravoŭ dziciaci i padtrymka prava dziaciej na biaśpiečnaje, zdarovaje i ščaślivaje dziacinstva. JUNISIEF sadziejničaje raspaŭsiudžvańniu viedaŭ pra Kanviencyju ab pravach dziciaci dla taho, kab dzieci viedali ab svaich pravach i abaviazkach, a vykładčyki, baćki i inšyja darosłyja pavažali i abaraniali hetyja pravy, zaachvočvajučy bolš aktyŭny ŭdzieł dziaciej i moładzi ŭ pracesie pryniaćcia rašeńniaŭ, jakija niepasredna ŭpłyvajuć na ich žyćcio.
-
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič
-
Ramont Čyrvonaha kaścioła pačnuć u červieni
-
Jak płanujuć pravodzić lustracyju ŭ Biełarusi i chto pad jaje trapić? Ofis Cichanoŭskaj pradstaviŭ kancepcyju
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8
Kamientary