Zaŭtra žychary Škłova adznačać svvio tradycyjnaje śviata, pryśviečanaje zboru letniaha ŭradžaju.
Hulańnie pačniecca la niehałosnaha simvała horada — skulptury ŭ vyhladzie ahurka, jakaja źjaviłasia ŭ lipieni 2007 hoda. Tut usie prysutnyja stanuć śviedkami žartoŭnaha teatralizavanaha pradstaŭleńnia. Dalej śviata pieraniasiecca da vystaŭ i handlovych radoŭ u centralnym parku horada. Pra toje, što haściam śviata sumna nie budzie, paćvierdzili ŭ adździele ideałahičnaj pracy, kultury i pa spravach moładzi Škłoŭskaha rajvykankama:
«Usie žadajučyja zmohuć pasprabavać kulinarnyja šedeŭry z ahurka, ubačyć jaho ŭ roznych pamierach i formach, a taksama daviedacca sakrety vyroščvańnia. Z hetaj metaj budzie arhanizavanaja vystava sielskahaspadarčaha invientara».
«Fiškaj» «Dnia ahurka» stanie šanavańnie asabliva ŭmiełych huročnikaŭ. Pryzy atrymajuć jak uładalniki lepšaj harodniny abo padvorka, tak i vydumščyki samych viasiołych piesień i prypievak pra ahurok. U horad pryjeduć Eduard Chanok, Volha Płotnikava, Iryna Darafiejeva i finalisty respublikanskaha vakalnaha konkursu «Novyja hałasy dla lubimaj krainy», jakija vystupiać na kancercie ŭ ramkach respublikanskaj akcyi «My razam».
Kamientary