BiełDIE zakuplaje sistemu pošuku ananimajzieraŭ u internecie
Respublikanskaje pradpryjemstva pa nahladzie za elektrasuviaźziu «BiełHIE» zakuplaje sistemu «vyjaŭleńnia srodkaŭ zabieśpiačeńnia ananimnaści dostupu da internet-resursaŭ». Adpaviednaja zajaŭka raźmieščana na aficyjnym partale dziaržzakupak.
Nazva łota hučyć nastupnym čynam: «Raspracoŭka, pastaŭka i ŭkaranieńnie ŭ pramysłovuju ekspłuatacyju aŭtamatyzavanaj infarmacyjnaj sistemy vyjaŭleńnia srodkaŭ zabieśpiačeńnia ananimnaści dostupu da internet-resursaŭ».
Zakančeńnie pryjomu prapanoŭ pa tendery - 13 kastryčnika. Pavodle zajaŭki, sistema pavinna być pastaŭlena i ŭkaraniona da kanca listapada 2015 hoda.
U BiełDIE ŭdakładnili, dla čaho mienavita nieabchodnaja sistema.
— Pavodle zakanadaŭstva, na BiełDIE ŭskłali funkcyju pošuku ananimajzieraŭ, proksi-siervieraŭ, u tym liku ananimnych sietak typu Tor, — rastłumačyli ŭ arhanizacyi. — Pa fakcie my pavinny znachodzić tyja proksi-servery, jakija pradastaŭlajuć dostup da internet-resursaŭ, zabaronienych pa biełaruskim zakanadaŭstvie. Naša funkcyja — vykładvać ich śpis na našym sajcie, a pravajdary pavinny abmiažoŭvać dostup da ich.
Pakul što našy supracoŭniki šukajuć ich uručnuju. Ale ich kolkaść — dziasiatki tysiač, uručnuju usie znajści vielmi składana. Tamu nami budzie zamoŭleny pošukavy robat, jaki budzie šukać ich u internecie.
U BiełDIE rastłumačyli, navošta im treba znachodzić proksi-sierviery:
— My ažyćciaŭlajem pošuk ananimajzieraŭ i proksi-siervieraŭ i raźmiaščajem ŭ śpisie abmiežavanaha dostupu. Dla čaho heta, kamu treba - my nie hatovyja kamientavać. Zakanadaŭstvam vyznačana, što pravajdar pavinien abmiežavać dostup da resursaŭ ź śpisu. Jany abaviazany abmiažoŭvać.
-
Karotkija teksty ad štučnaha intelektu zamiest spasyłak — Google zapuściŭ novuju sistemu pošuku
-
Samsung źbirajecca pastavić na smartfonach jašče adzin štučny intelekt, akramia Gemini
-
«Absalutna niečakanyja i nievytłumačalnyja padziei adbyvajucca ciapier kala Ziamli». Vybuch soniečnaj płazmy pakazvaje rekordnuju chutkaść
Kamientary