Hubiernatar amierykanskaha štata Kalifornija Džery Braŭn padpisaŭ zakon, jaki dazvalaje pa prośbie nievylečna chvorych pacyjentaŭ, jakija adčuvajuć mocnyja boli, spynić ich žyćcio.
«Ja nie viedaju, što b ja rabiŭ, kali b pamiraŭ u doŭhich i pakutlivych bolach. Adnak ja ŭpeŭnieny, što mahčymaści, jakija dajuccahetym zakonam, byli b suciašeńniem. Ja nie budu adbirać heta prava ŭ inšych», — skazaŭ Braŭn.
Zakonaprajekt «Ab pravie na śmierć» raniej adobryli sienat i nižniaja pałata parłamienta Kalifornii.
U ZŠA eŭtanazija dazvolena ŭ štatach Vašynhton, Viermont, Mantana i Arehon. Doktar nie ŭdzielničaje naŭprost u eŭtanazii. Paśla troch prośbaŭ pacyjenta, jakomu zastałosia žyć nie bolš za paŭhoda, doktar zmoža vypisać jamu mocnadziejnyja miedycynskija preparaty, jakija vykličuć śmierć.
Upieršyniu eŭtanazija była lehalizavanaja ŭ Niderłandach u 2002 hodzie. U 1984 hodzie Viarchoŭny sud krainy pryznaŭ prava na dobraachvotny sychod z žyćcia prymalnym. Taksama eŭtanazija dazvolena ŭ Bielhii, Luksiemburhu i Šviejcaryi.
Kamientary