Chłopiec, jaki źbiŭ hieja, vyjšaŭ z turmy pa amnistyi. Paciarpieły da hetaha času ŭ balnicy
Asudžany pa spravie ab źbićci chłopca paśla hiej-viečaryny ŭ Minsku vyjšaŭ na volu pavodle amnistyi. Pry hetym paciarpieły da hetaha času ŭ balnicy ŭ ciažkim stanie. Pra heta raspaviała pravaabaronca Taćciana Raviaka.
Nahadajem, što minčuka Dźmitryja Łukaševiča pryznali vinavatym pa č. 1 art. 339 i 155 Kryminalnaha kodeksa Biełarusi. U studzieni 2015 jaho prysudzili da 2 hadoŭ i 8 miesiacaŭ pazbaŭleńnia voli z adbyvańniem termina ŭ papraŭčaj kałonii. Sud pastanaviŭ spahnać na karyść paciarpiełaha ŭ košt materyjalnaj kampiensacyi maralnaj škody 150 młn rubloŭ, na karyść maci paciarpiełaha ŭ košt pakryćcia materyjalnaj škody sumu bolš za 63 miljonaŭ.
Pavodle infarmacyi Taćciany Raviaki, srodki pieraličanyja. Pry hetym paciarpieły Michaił Piščeŭski ŭžo bolš za hod u balnicy ŭ ciažkim stanie.
Jaho źbili paśla vychadu z hiej-viečarynki nočču 25 maja 2014 hoda. Vidavočca zdareńnia śćviardžaŭ, što Michaiła ŭdaryli paśla słoŭnaha kanfliktu na temu nietradycyjnaj seksualnaj aryjentacyi. Sa svajho boku Łukaševič adznačaŭ, što zrabiŭ heta nienaŭmysna i adčuŭšy pahrozu z boku paciarpiełaha.
Daktary kanstatavali ŭ Piščeŭskaha pierałom čerapa i krovaźlićcio ŭ mozh, kala 20% hałaŭnoha mozhu vydalili. Rodnyja raspaviadali, što ŭ maładoha čałavieka niama pastajannaj śviadomaści, u navakolnym śviecie jon nie aryjentujecca, siłkujecca praz katetar, nie ruchajecca, jość proležni, byvajuć prystupy i sutarhi.
-
Baćka 14-hadovaj školnicy, jakaja pamierła ŭ balnicy, padaŭ zajavu ŭ milicyju
-
U Hrodnie zavočna asudzili saŭładalnika budynka, dzie znachodzicca polskaje konsulstva. Ciapier jaho kanfiskujuć
-
Fatohraf-ahient Miščuk nie pamiataje, jak rabiŭ svoj zdymak na pašpart prykryćcia. I jašče šmat što nie pamiataje
Kamientary