U Maskvie palicejskija ŭ vyniku rejdu ŭ načnym kłubie «KM-19» zatrymali amal 60 dziaŭčat madelnaj źniešnaści va ŭzroście ad 18 da 28 hadoŭ za zaniatak prastytucyjaj, paviedamlaje LifeNews.
«Śpiecapieracyja na Kuźnieckim moście prachodziła ŭ niekalki etapaŭ. Pieršapačatkova palicejskija ŭkaranilisia ŭ zakryty kłub pad vyhladam zamožnych klijentaŭ. Atrymaŭšy nieabchodnyja dokazy, ukaranionyja apieratyŭniki dali sihnał na zachop. Usie dziaŭčaty byli dastaŭleny ŭ najbližejšy adździeł palicyi dla składańnia pratakołaŭ, zatym ich adpuścili na volu», — havorycca ŭ paviedamleńni.
Ustanova pazicyjanavała siabie jak «miesca ŭ styli buržuaznaj Francyi XIX st.», dzie «vydatnyja dziaŭčyny hatovyja tancavać noč napralot i ŭvasablać u realnaść samyja śmiełyja fantazii».
U dačynieńni da kiraŭnictva ŭstanovy raspačata kryminalnaja sprava pa artykule «Arhanizacyja zaniatkaŭ prastytucyjaj».
Kamientary