Aficyjny pradstaŭnik Minabarony Rasii hienierał-major Ihar Kanašenkaŭ nazvaŭ chłuśnioj paviedamleńni ab naniasieńni rasijskimi samalotami ŭdaraŭ pa siryjskaj Palmiry.
«Usie paviedamleńni zamiežnych ŚMI, što rasiejskija samaloty nibyta nanieśli pavietranyja ŭdary pa horadzie Palmira, — absalutnaja chłuśnia», — skazaŭ Kanašenkaŭ.
Pavodle jaho słoŭ, rasiejskaja avijacyja ŭ Siryi «nie pracuje pa nasielenych punktach i tym bolš pa raźmieščanych tam ža architekturnych pomnikach».
Hienierał adznačyŭ, što ŭ dadzieny momant hetaj situacyjaj aktyŭna karystajucca bajeviki «Isłamskaj dziaržavy», «jakija, znachodziačysia ŭ Palmiry, jak viadoma z tych ža zamiežnych ŚMI, litaralna na dniach uzarvali tam znakamituju Tryumfalnuju arku».
Kamientary