Ministerstva žyllova-kamunalnaj haspadarki Biełarusi ŭzhadniła ŭklučeńnie sistem aciapleńnia z 7 kastryčnika.
Pra heta havorycca ŭ liście «Ab uzhadnieńni aciaplalnaha pieryjadu», nakiravanym u abłvykankamy, Minski harvykankam i Ministerstva enierhietyki, paviedamiŭ načalnik upraŭleńnia pa pracy sa zvarotami hramadzian, ŚMI Minžyłkamhasa Hienadź Akstyłovič.
«U suviazi z rezkim pachaładańniem i prahnozam dalejšaha źnižeńnia tempieratury vonkavaha pavietra Ministerstva žyllova-kamunalnaj haspadarki ŭzhadniła ŭklučeńnie sistem aciapleńnia z 7 kastryčnika ŭ nastupnaj čarhovasci: pa-pieršaje, miedycynskija ŭstanovy, ustanovy sacyjalnaha zabieśpiačeńnia, škoły i daškolnyja ŭstanovy, muziei, dziaržarchivu, biblijateki; pa-druhoje, žyllovy fond, internaty, haścinicy, navučalnyja ŭstanovy», - rastłumačyŭ Hienadź Akściłovič.
Aciapleńnie ŭ žyłych damach Minska pačnuć uklučać 7 kastryčnika, paviedamili BiełTA va ŭpraŭleńni haradskoha haspadarki i enierhietyki Minharvykankama.
Takoje rašeńnie pryniata ŭ suviazi z prahnazavanym rezkim pachaładańniem. Ciapło padajecca ŭ damy paetapna, bo pastaŭščyki ciapła («Minskkamunciepłasietka» i «Minskija ciepłavyja sietki») nie ŭ stanie adnačasova ŭkinuć ŭ sietku vialiki abjom vady.
«Na praciahu troch-čatyroch dzion aciapleńnie źjavicca va ŭsich žyłych damach stalicy», — zapeŭnili va ŭpraŭleńni haradskoj haspadarki i enierhietyki Minharvykankama.
Paśla ŭklučeńnia ciapła sistemy aciapleńnia adrehulujuć. Z 7 kastryčnika ciepłynia pačnie pastupać taksama ŭ internaty, haścinicy, basiejny, ahulnaharadskija łaźni, navučalnyja ŭstanovy, teatry.
Aciaplalny siezon startavaŭ u stalicy 6 kastryčnika: batarei paciapleli ŭ miedycynskich ustanovach, ustanovach sacyjalnaha zabieśpiačeńnia, škołach i daškolnych ustanovach, muziejach, dziaržaŭnych archivach, biblijatekach.
Kamientary