Baćki dźviuch dziaŭčynak paŭtara hoda biespaśpiachova źviartalisia ŭ roznyja instancyi, kab ich dzieci vučylisia na rodnaj movie. Staršynia Baranavickaha harvykankama asabista razhledzieŭ hetuju prablemu i znajšoŭ srodki dla finansavańnia kłasa na rodnaj movie.
Kłas pačnie svaju pracu ŭ Baranavickaj himnazii №4 z druhoj čverci, paviedamiŭ Vadzim Ščarbakoŭ, dyrektar hetaj navučalnaj ustanovy.
– Navučency inšych himnazij horada, jakija chočuć vučycca pa-biełarusku ŭ 6-m kłasie, mohuć užo ciapier źviartacca da nas, – patłumačyŭ Vadzim Ščarbakoŭ. – Dzieciam sa škoł daviadziecca pačakać da nastupnaha hoda i zdać ispyty pa ruskaj, biełaruskaj movach i matematycy. Jak, zrešty, i kožnamu, chto choča vučycca ŭ himnazii.
Pa słovach kiraŭnika himnazii №4, pastanova ab zasnavańni biełaruskamoŭnaha kłasa była pryniataja dziakujučy staršyni Baranavickaha harvykankama Juryju Hramakoŭskamu. Jon asabista razhledzieŭ hetuju prablemu i znajšoŭ srodki dla finansavańnia kłasa na rodnaj movie.
Nahadajem, što ŭ 2010 hodzie ŭ Baranavičach u SŠ №14 byŭ stvorany biełaruskamoŭny kłas, dzie vučylisia try dziaŭčynki. Praz čatyry hady dźvie ź ich – Jasia Małaščanka i Alisa Filipčyk – pastupili ŭ himnaziju №4. Adnak u stvareńni asobnaha kłasa dla praciahu navučańnia na biełaruskaj movie im admovili, spasłaŭšysia, što ŭ biudžecie horada niama dadatkovych finansavych srodkaŭ na biełaruski kłas. U Baranavickim harvykankamie tady patłumačyli, što kłas budzie stvorany tolki kali baćki 24 vučniaŭ pažadajuć, kab ich dzieci vučylisia pa-biełarusku.
– Ja vielmi rady, što maja dačka budzie vučycca na biełaruskaj movie ŭ lepšaj himnazii horada, – pryznaŭsia Vasil Filipčyk, baćka adnoj ź dziaŭčynak. – Ale chaciełasia b, kab u budučym była sproščana sistema adkryćcia takich kłasaŭ.
Pa słovach baćki, za paŭtara hoda, kab dabicca navučańnia na rodnaj movie, im daviałosia źviartacca ŭ mnostva instancyj: harvykankam, abłvykankam, Ministerstva adukacyi, sud, prakuraturu. Navat sustrecca z namieśnikam ministra adukacyi.
– Inšy čałaviek užo kali b i chacieŭ, kab jaho dzicia vučyłasia pa-biełarusku, atrymaŭ by niekalki adpisak i machnuŭ by rukoju, – kaža Vasil. – Nie ŭsie takija ŭpartyja, jak my.
-
Baćka 14-hadovaj školnicy, jakaja pamierła ŭ balnicy, padaŭ zajavu ŭ milicyju
-
U Hrodnie zavočna asudzili saŭładalnika budynka, dzie znachodzicca polskaje konsulstva. Ciapier jaho kanfiskujuć
-
Fatohraf-ahient Miščuk nie pamiataje, jak rabiŭ svoj zdymak na pašpart prykryćcia. I jašče šmat što nie pamiataje
Kamientary