Kureńnie elektronnych cyharet nanosić škodu jak kurcu, tak i navakolnym, paviedamiła 7 kastryčnika na pres-kanfierencyi ŭ Minsku zahadčyca łabaratoryi arteryjalnaj hipiertanii RNPC «Kardyjałohija» Volha Paŭłava.
Pavodle jaje słoŭ, zvyštonkija čaścicy, niekatoryja chimičnyja taksiny, jakija vydzialajucca elektronnymi cyharetami, niebiaśpiečnyja dla navakolnych. U vadkaści dla zapraŭki elektronnych cyharet vyjaŭlenyja ciažkija mietały, a ŭ aerazolach, jakija hienieryrujuć elektronnyja cyharety, utrymlivajecca vysokataksičny nikacin, jaki vyklikaje raźvićcio i padtrymańnie psichičnaj i fizičnaj nikacinavaj zaležnaści.
Asabliva niebiaśpiečnyja elektronnyja cyharety dla padletkaŭ, u jakich adbyvajecca raźvićcio nikacinavaj zaležnaści navat u vyniku adzinkavych vypadkaŭ kureńnia elektronnych cyharet. Heta abumoŭlena ŭtrymańniem u ich vysokataksičnaha nikacinu, skazała doktar.
Škoda ad kureńnia cyharet u cełym dla arhanizmu i sardečna-sasudzistaj sistemy ŭ pryvatnaści źjaŭlajecca dakazanym navukovym faktam. Dla padletkaŭ kureńnie — samy mahutny faktar z tych, što ŭpłyvajuć na raźvićcio sardečna-sasudzistaj patałohii ŭ budučyni, adznačyŭ zahadčyk kafiedry kardyjałohii i reŭmatałohii Biełaruskaj akademii paśladypłomnaj adukacyi Andrej Prystrom.
Doktar asobna adznačyŭ škodu pasiŭnaha kureńnia. «Ludzi, jakija znachodziacca z kurcom u adnym pamiaškańni, atrymlivajuć škodny efiekt ad cyharet na 80—90%. Zrazumieła, hetu prablemu treba vyrašać», – skazaŭ doktar.
Jon źviarnuŭ uvahu na toje, što ŭ biełaruskich haradach jość tolki asobnyja zony, dzie zabaroniena kureńnie. Tym časam u tych jeŭrapiejskich haradach, dzie kureńnie zabaronienaje ŭ hramadskich miescach, za adzin-dva hady pamienšyłasia kolkaść ludziej, špitalizavanych ź infarktam mijakarda, skazaŭ Prystrom.
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?4
Kamientary