11 kastryčnika minskaja Dziaržaŭtainśpiekcyja budzie pracavać va ŭzmocnienym režymie. Pad asablivy kantrol buduć uziatyja ŭčastki vulična-darožnaj sietki pablizu vybarčych učastkaŭ u horadzie, paviedamlaje ŭpraŭleńnie DAI HUUS Minharvykankama.
Dziaržaŭtainśpiekcyja nahadvaje vadzicielam, što jany abaviazanyja niaŭchilna vykonvać Praviły darožnaha ruchu, u tym liku praviły prypynku i stajanki, prajezdu pierakryžavańniaŭ i piešachodnych pierachodaŭ i h.d. Nadvorje nie pavinna abciažarvać darožnaje stanovišča ŭ vychadnyja dni, tym nie mienš udzielnikam darožnaha ruchu treba być uvažlivymi, dumać pra svaju biaśpieku i pra biaśpieku tych, chto znachodzicca pobač ź imi.
DAI źviartaje ŭvahu piešachodaŭ na praviły pierachodu prajeznaj častki. Piešyja ŭdzielniki darožnaha ruchu pavinny pierachodzić darohu tolki ŭ śpiecyjalna adviedzienych dla hetaha miescach. Kali pierachod rehulujecca piešachodnym śviatłaforam, pierachodzić darohu dazvalajecca tolki na zialony sihnał, papiarednie pierakanaŭšysia, što ŭsie vadzicieli bačać piešachoda i prapuskajuć jaho. Nie treba biehčy, sprabujučy paśpieć pierasiačy prajeznuju častku, kali śviatłafor užo pačaŭ milhać. Lepš pačakać lišniuju chvilinu i nie ryzykavać ułasnym zdaroŭjem. Viełasipiedysty pavinny abaviazkova śpiešvacca pierad pierasiačeńniem prajeznaj častki i vieści viełasipied pobač z saboj.
Dadatkova dla zabieśpiačeńnia poŭnaj biaśpieki i niedapuščeńnia parušeńnia PDR na pierakryžavańniach i piešachodnych pierachodach pablizu vybarčych učastkaŭ u dzień vybaraŭ buduć dziažuryć supracoŭniki DAI.
Ciapier čytajuć
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy23
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4040
Kamientary