Reuters: ES u paniadziełak prypynić na čatyry miesiacy sankcyi suprać Łukašenki
ES na 4 miesiacy prypynić sankcyi ŭ dačynieńni da Biełarusi, u tym liku i ŭ dačynieńni da prezidenta Alaksandra Łukašenki paśla prezidenckich vybaraŭ, jakija adbuducca ŭ niadzielu.
president.gov.by
Pra heta paviedamlaje Reuters sa spasyłkaj na jeŭrapiejskich dypłamataŭ.
Čakajecca, što ministry zamiežnych spraŭ ES prymuć rašeńnie ŭ paniadziełak, paśla troch tydniaŭ składanych pieramovaŭ.
Takim čynam ES adreahuje na pamiłavańnie Łukašenkam šaści palityčnych viaźniaŭ u žniŭni i praviadzieńnie mirnych pieramoŭ pa situacyi va Ukrainie ŭ lutym.
«U zaležnaści ad pavodzinaŭ Łukašenki na prezidenckich vybarach, rašeńnie ab prypynieńni sankcyj na praciahu čatyroch miesiacaŭ budzie aficyjna pryniata ŭ paniadziełak», — skazaŭ adzin vysokapastaŭleny dypłamat ES, blizkaja da pieramovaŭ.
«ES nieabchodna reahavać na vyzvaleńnie palitviaźniaŭ», — adznačyŭ inšy dypłamat.
Jak adznačajuć krynicy, buduć prypynienyja sankcyi ŭ dačynieńni da 140 biełaruskich čynoŭnikaŭ na termin ad kanca kastryčnika da kanca lutaha 2016 hoda.
Takim čynam hetyja asoby zmohuć padarožničać u krainy ES, a ich rachunki buduć razmarožany.
Taksama niekatoryja z 25 biełaruskich pradpryjemstvaŭ, jakija ciapier znachodziacca pad sankcyjami, atrymajuć prava na finansavańnie z boku Jeŭrapiejskaha inviestycyjnaha banka.
U toj ža čas embarha na pastaŭki zbroi zastaniecca. Taksama ES zachavaje sankcyi, jakija praciahvajuć u kastryčniku kožnaha hoda na praciahu apošnich niekalkich hadoŭ.
Akramia taho, čatyry pradstaŭniki biełaruskich śpiecsłužbaŭ, jakija padazrajucca ŭ dačynieńni da źniknieńniaŭ palityčnych apanientaŭ, zastanucca pad sankcyjami
Kamientary