Na pieciarburhskim «Piatym kanale» vypadkova «skryžavali» siužety pra akciora, jaki hraje Hitlera, i sustreču Uładzimira Pucina z nastaŭnikami.
U vypusku prahramy «Siejčas» ad 8 kastryčnika źbiralisia pakazać siužet pra akciora, jaki miesiac jeździŭ pa Hiermanii ŭ vobrazie Adolfa Hitlera i kamunikavaŭ z prostymi ludźmi.
«I sustrakali jaho jak pravadyra, jakomu było na što paskardzicca. Vital Čačuchin pryhledzieŭsia, ci ihra ŭsio heta?» — skazali viadučyja pieradačy, anansujučy siužet.
Praŭda, zamiest siužeta pra akciora ŭ efir pajšoŭ inšy — pra Pucina, jaki sustreŭsia z łaŭreatami konkursu «Nastaŭnik hoda». Videa z rasijskim prezidentam niekalki siekund supravadžałasia podpisam «Prahułki z Hitleram».
Kamientary