Brend HONAR prezientuje novuju stylovuju kalekcyju adzieńnia. Bolšaja častka liniejki pryznačanaja dla mužčyn: marynarki, portki, sakołki dy kašuli. Taksama prysutničajuć i madeli dla žančyn. Kalekcyja źjaŭlajecca raźvićciom idej, što brend zakłaŭ jašče padčas pakazu na Biełaruskim tydni mody ŭ 2014 hodzie: sučasnaje adzieńnie z nacyjanalnaj rysaj.
Suzasnavalnik brenda HONAR Pavieł Doŭnar: «Svajoj dziejnaściu i hetaj prezientacyjaj my havorym, što našaj krainie jość, čym hanarycca, jak u minułym, tak i ŭ sučasnaści. Naš brend ruchajecca ŭ kirunku vytvorčaści sučasnaha biełaruskaha adzieńnia, jakoje možna nasić štodzień. Siońnia my vypuskajem poŭnyja kamplekty adzieńnia, kab u čałavieka nie było prablem, što z čym spałučać, i štodzień nasić biełaruskaje, sučasnaje i stylovaje. Nadalej my płanujem pašyrać asartymient i nie zasiarodžvać asnoŭnuju ŭvahu tolki na arnamiencie, ale pracavać i nad papularyzacyjaj inšych elemientaŭ strojaŭ, što byli na terytoryi Biełarusi. Praz svaju dziejnaść my chočam, kab cikavaść da biełaruskaha ŭzrastała».
Materyjały, što prymianiajucca dla pašyvu adzieńnia, pieravažna naturalnyja: bavoŭna, lon, viskoza. Niekatoryja madeli novaj kalekcyi ekskluziŭnyja i vypuščanyja ŭ kolkaści 5-7 adzinak. Amal na ŭsich madelach adzieńnia prysutničaje biełaruski arnamient. Jon raźmiaščajecca jak u zvykłych miescach, tak i ŭ niestandartnych, naprykład, na huzikach ci łokcievych łatkach. Vypuščanyja madeli i biez arnamientu. Pry vykarystańni aŭtentyčnych simvałaŭ i stvareńni kalekcyi aŭtary kiravalisia dalikatnaściu i minimalizmam.
Mužčynskuju liniejku adzieńnia prezientuje televiadučy i redaktar časopisa ICON Alaksandr Jarasłaŭcaŭ, žanočuju — śpiavačka i dy-džej Taćciana Łukašenka i fotamadel Kaciaryna Koba.
Novaja kalekcyja ŭžo pastupiła ŭ prodaž, nabyć adzieńnie možna praź internet-kramu honar.by.
Całkam novuju kalekcyju možna pabačyć tut.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ16
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary