Hrecyja damoviłasia z kredytorami ab vydzialeńni joj 12 młrd jeŭra, ź jakich 2 młrd jeŭra pavinny pajści na terminovyja patreby ŭrada, a 10 młrd — na rekapitalizacyju bankaŭ.
Pra heta paviedamiŭ staršynia Jeŭrahrupy Jerun Dejsiełbłum, dadaŭšy, što hrošy buduć pieraličanyja paśla taho, jak parłamient Hrecyi zaćvierdzić pakiet uzhodnienych reformaŭ.
Z anałahičnaj zajavaj vystupiŭ i jeŭrakamisar pa ekanomicy i finansach Pjer Maskavisi.
«My čakajem zakančeńnia pracesu nieŭzabavie paśla taho, jak hrečaski parłamient uchvalić nieabchodnyja zakanadaŭčyja normy ŭ čaćvier», — skazaŭ jon na pres-kanfierencyi ŭ Brusieli.
U lik kredytoraŭ krainy ŭvachodziać Jeŭrapiejski centralny bank, Mižnarodny valutny fond, urady krain jeŭrazony i Jeŭrapiejski fond finansavaj stabilnaści.
Pavodle damoŭlenaści, dasiahnutaj jašče ŭ žniŭni, Afiny pavinny atrymać ad ich usiaho 86 młrd jeŭra na azdaraŭleńnie ekanomiki, a naŭzamien abaviazany pryniać žorstkija miery ekanomii i ažyćciavić reformy — 48 roznych mier.
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary