IP treba razumieć, što siertyfikacyja pradukcyi — heta pieršy krok. Pra heta Alaksandr Łukašenka zajaviŭ na naradzie z nahody zaćviardžeńnia rašeńnia na achovu dziaržaŭnaj miažy orhanami pamiežnaj słužby.
Kiraŭnik dziaržavy prakamientavaŭ nahniatańnie situacyi vakoł indyvidualnych pradprymalnikaŭ u suviazi z tym, što «z 1 studzienia skončylisia ich miadovyja hady i treba pracavać u roznych umovach, pa adpaviednych dakumientach».
«Im treba razumieć, što siertyfikacyja pradukcyi, na jakuju my pajšli, — heta pieršy krok. Jość tavar - usio supravadžalnyja dakumienty pavinny być. My pavinny prazrysta handlavać, i chopić vakoł hetaha niejkija koźni ładzić», — padkreśliŭ Alaksandr Łukašenka.
U minułym hodzie kiraŭnik dziaržavy sustrakaŭsia ź indyvidualnymi pradprymalnikami. I tady było pryniata rašeńnie, što z 1 studzienia 2016 usie indyvidualnyja pradprymalniki —płacielščyki adzinaha padatku pavinny buduć mieć na tavary lehprama dakumienty, jakija paćviardžajuć ich nabyćcio.
Alaksandr Łukašenka nahadaŭ pra dasiahnutyja padčas toj sustrečy damoŭlenaści i vykazaŭ ździŭleńnie, što zaraz jaho padšturchoŭvajuć da niejkich rašeńniaŭ.
Kamientary