Alaksandr Łukašenka patrabuje padtrymlivać pradpryjemstvy pryvatnaj formy ŭłasnaści. Pra heta jon zajaviŭ siońnia ŭ čas naviedvańnia vytvorča-handlovaha pryvatnaha ŭnitarnaha pradpryjemstva «Minator-Servis».
Alaksandr Łukašenka padkreśliŭ, što dziaržava, urad, kiraŭniki ministerstvaŭ i viedamstvaŭ «nie pavinny bačyć u pryvatnikach niejkich vorahaŭ, sapiernikaŭ, a pavinny stavicca da ich, jak i da dziaržaŭnych pradpryjemstvaŭ». «Vy heta nazyvajecie pryvatna-dziaržaŭnaje partniorstva», - skazaŭ kiraŭnik dziaržavy.
Pry hetym jon vykazaŭ mierkavańnie, što pryvatnikam treba raźvivacca zychodziačy z patrabavańniaŭ času i na karyść ludziej. «Kali z čahości małoha pačynali, to raźvivajciesia dalej», — pierakanany jon. Jon bačyć dobryja pierśpiektyvy dla istotnaha raźvićcia pryvatnych pradpryjemstvaŭ.
Kiraŭnik dziaržavy pazityŭna acaniŭ dziejnaść «Minator-Servisu»: «Pierśpiektyva vašaha i inšych pryvatnych pradpryjemstvaŭ - kab jany vyraśli ŭ mahutnyja struktury abaronnaha siektara, jakija buduć pracavać nie tolki na ŭnutranaje spažyvańnie, ale i na vonkavaje». Jon źviarnuŭ uvahu na toj fakt, što istotnaja častka biudžetu farmirujecca za košt pryvatnych pradpryjemstvaŭ.
Pradpryjemstva «Minator-Servis», zajmajecca raspracoŭkaj, vytvorčaściu i absłuhoŭvańniem bajavych husieničnych mašyn, pryznačanych dla vykarystańnia ŭ suchaputnych vojskach i padraździaleńniach marskoj piachoty.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ18
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary