MUS admoviła pravaabaroncy Tankačovaj u skaračeńni terminu zabarony na ŭjezd u Biełaruś
Ministerstva ŭnutranych spraŭ admoviła pravaabaroncy Alenie Tankačovaj u skaračeńni terminu zabarony na ŭjezd u Biełaruś. Jak paviedamiła Tankačova, taki adkaz za podpisam namieśnika kiraŭnika MUS Mikałaja Mielčanki byŭ atrymany joju 15 lutaha na list ad 12 studzienia.
«Zhodna z artykułam 22 zakona Respubliki Biełaruś ad 04.01.2010 hoda «Ab pravavym stanoviščy zamiežnych hramadzian i asob biez hramadzianstva» inšaziemcy, jakija znachodziacca ŭ Respublicy Biełaruś, abaviazanyja vykonvać Kanstytucyju Respubliki Biełaruś i inšyja akty zakanadaŭstva našaj krainy, pavažać jaje nacyjanalnyja tradycyi, — havorycca ŭ adkazie. — Adnak, znachodziačysia ŭ Respublicy Biełaruś, vy nieadnarazova pryciahvalisia da administracyjnaj adkaznaści. Tłumačym, što narmatyŭnyja pravavyja akty Respubliki Biełaruś dajuć Ministerstvu ŭnutranych spraŭ Respubliki Biełaruś prava, a nie staviać u abaviazak skaracić termin zabarony ŭjezdu ŭ Respubliku Biełaruś zamiežnamu hramadzianinu. Hetyja normy majuć alternatyŭny charaktar. Z ulikam vykładzienaha, u zadavalnieńni chadajnictva ab skaračeńni terminu zabarony ŭjezdu ŭ Biełaruś vam admoŭlena».
U dakumiencie Tankačovu taksama papiaredžvajuć, što ŭ vypadku ŭjezdu i znachodžańnia na terytoryi Biełarusi da zakančeńnia terminu zabarony na ŭjezd jana možacie być pryciahnutaja da adkaznaści na padstavie artykuła 371-2 Kryminalnaha kodeksa, jaki praduhledžvaje pakarańnie da troch hadoŭ pazbaŭleńnia voli.
Mielčanka adznačaje, što ŭ vypadku niazhody z rašeńniem, pryniatym pa zvarocie, Tankačova maje prava abskardzić jaho ŭ sudzie.
Ciapier čytajuć
U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia2
Kamientary