KDB: Čyž sprabavaŭ uciačy z krainy, jon jechaŭ na chutkaści 220 km/h u bok litoŭskaj miažy
Pra heta paviedamiŭ siońnia žurnalistam kiraŭnik Kamiteta dziaržaŭnaj biaśpieki Valeryj Vakulčyk.
Valeryj Vakulčyk raspavioŭ pra padrabiaznaści spravy Juryja Čyža. Jon adznačyŭ, što biznesmien stvaryŭ fiktyŭnuju firmu ŭ Rasii. Adzinym rabotnikam firmy i jaje ž dyrektaram, pavodle infarmacyi KDB, byŭ maskoŭski kiroŭca Čyža. Hetaj firmie «Trajpł» płaciŭ nibyta za vykarystańnie tavarnaha znaka. Hrošy abnajaŭnivali i pieradavali praz kasira samomu Čyžu.
— Usio našmat praściej, čym mnohija dumajuć. Uletku 2015 hoda ŭ KDB z zajavaj ab supraćpraŭnaj dziejnaści Japryncava źviarnulisia Čyž i dva jaho partniory z RF, — raspavioŭ Valeryj Vakulčyk. — U chodzie rasśledavańnia Japryncava i inšych byli atrymanyja dokazy pa ŭchileńni ad vypłaty padatkaŭ hrupy kampanij «Trajpł».
11 sakavika byli atrymany pramyja dokazy datyčnaści da dziejnaści Čyža. Pa jaho ŭkazańni była stvorana firma, ažyćciaŭleńnie finansava-haspadarčaj dziejnaści jakoj nie mierkavałasia pieršapačatkova. Zasnavalnikam staŭ hramadzianin RF — pamočnik i kiroŭca Čyža.
U 2012 hodzie «Trajpł» pieradaŭ hetaj firmie prava na tavarny znak. Potym faktyčna štomiesiac, za niekalki miesiacaŭ da padačy spravazdačnaści, bujnyja hrašovyja sumy pieravodzilisia «Trajpł» u hetuju firmu pad vyhladam vypłaty za karystańnie tavarnym znakam. Hetyja hrošy zdymalisia najaŭnymi hienieralnym dyrektaram i adzinym supracoŭnikam hetaj firmy. Jon pieradavaŭ ich kasiru firmy, a toj Čyžu. Schiema, znajomaja z časoŭ Ilfa i Piatrova. Ustanoŭlena, što takich firmaŭ było dosyć šmat.
— Pa spravie «Trajpł» aryštavana 5 čałaviek i adzin zatrymany. My možam kazać pra dakazanuju škodu, jakaja vymiarajecca miljardami rubloŭ, — adznačyŭ Vakulčyk.
Pa słovach kiraŭnika KDB, Juryj Čyž sprabavaŭ biehčy z krainy.
— Jon na vielizarnaj chutkaści, 220 kiłamietraŭ u hadzinu, nakiroŭvaŭsia ŭ bok litoŭskaj miažy, potym vyjechaŭ na bresckuju trasu, — adznačyŭ kiraŭnik KDB. — My vymušanyja byli zadziejničać płan «Pierachop», kab jaho zatrymać i dastavić u SIZA.
Čyža padazrajuć va ŭchileńni ad vypłaty padatkaŭ u asabliva bujnym pamiery. Maksimalny termin pakarańnia pa artykule — da 7 hadoŭ pazbaŭleńnia voli.
-
Kolki času zajmaje vydača pašparta novaj Biełarusi? Były kalinoviec raskazaŭ, jak atrymlivaŭ dakumient
-
U Mahilovie pradajuć 10 ton bulby ŭsiaho pa 60 kapiejek za kiło. Što ź joj nie tak?
-
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič
Kamientary