Padzieńnie biełaruskaj ekanomiki ŭ najbližejšyja miesiacy zamarudzicca, recesija pavodle vynikaŭ 2016 hoda składzie prykładna 1%. Taki prahnoz pryvodzicca ŭ sakavickim ekanamičnym ahladzie, jaki padrychtavali ekśpierty centra sacyjalna-ekanamičnych daśledavańniaŭ CASE Belarus.
Na dumku ekanamistaŭ, źnižeńnie VUP Biełarusi na 4% u studzieni—lutym abumoŭlenaje vysokaj statystyčnaj bazaj minułaha hoda. U nastupnyja miesiacy, prahnazujuć jany, hłybinia ekanamičnaha spadu ŭ Biełarusi pačnie skaračacca. «U sakaviku budzie ŭžo ŭ rajonie minus 2%, a ŭ krasaviku — u rajonie minus 1,2%, i dalej tak budzie da kanca hoda. Pavodle vynikaŭ hoda budzie ŭ rajonie minus 1%», — ličać aŭtary ahladu.
Pry hetym jany miarkujuć, što zapavoleńnie padzieńnia tempaŭ VUP ŭrad rastłumačyć palapšeńniem situacyi, «svajoj dobraj pracaj». «Buduć zajavy, što kryzis užo prachodzić», — adznačajuć ekśpierty. «Ale ŭ rečaisnaści prosta pakul ekanomika adaptavałasia da novych cenavych umoŭ, i kali novych umoŭ nie nastupić, to jana budzie znachodzicca na adnym uzroŭni, kali skončycca efiekt (statystyčnaj) bazy, a skončycca jon u krasaviku», — adznačajecca ŭ ahladzie.
Na dumku analitykaŭ, ciapierašniaja recesija abumoŭlenaja strukturnaj słabaściu ekanomiki. «Dla pieraadoleńnia strukturnaj recesii treba pravodzić strukturnyja (instytucyjnyja) reformy, pieršymi etapami jakich pavinny iści libieralizacyja i makraekanamičnaja stabilizacyja, što patrabujuć praviadzieńnia žorstkaj hrašova-kredytnaj palityki», — ličać aŭtary daśledavańnia.
U toj ža čas, dadajuć jany, dla pieraadoleńnia cykličnaj recesii treba stymulavać unutrany popyt za košt źmiakčeńnia hrašova-kredytnaj palityki.
«Mahčyma, bolš metazhodna pačać z praviadzieńnia strukturnych reformaŭ, ustaraniŭšy u pieršuju čarhu administracyjnyja miechanizmy nieefiektyŭnaha raźmierkavańnia abmiežavanych resursaŭ, i ŭžo zatym viarnucca da palityki źmiakčeńnia, majučy upeŭnienaść u tym, što hetym razam resursy dastanucca tym, chto zdoleje zabiaśpiečyć ich efiektyŭnaje vykarystańnie», — ličać ekśpierty centra CASE Belarus.
Nahadajem, aficyjny prahnoz na 2016 hod praduhledžvaje rost VUP na 0,3%.
Ciapier čytajuć
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie5
Kamientary