12 młn francuzskich dziaciej iduć u škoły, dzie ŭviedzienyja novyja miery biaśpieki z-za niadaŭnich napadaŭ džychadzistaŭ u krainie.
Školnikaŭ navučać chavacca, uciakać i dapamahać adno adnamu. Štohod buduć pravodzicca try vučeńni, na jakich adpracujuć dziejańni nastaŭnikaŭ i vučniaŭ padčas mahčymych napadaŭ na škoły.
Taksama ŭzmocnienyja miery biaśpieki na ŭvachodach u škoły.
Novyja miery supali z maštabnymi reformami ŭ śfiery adukacyi, jakija ŭviedzienyja ŭ Francyi, niahledziačy na šmatlikija akcyi pratestu.
Prezident Francyi Fransua Aland napisaŭ u fejsbuku, što ciapierašnija abstaviny «apraŭdvajuć uviadzieńnie mier biaśpieki».
Uzmocnienyja miery biaśpieki patrabujuć ad kiraŭnictva škoł stvaryć apieratyŭnyja štaby i padrychtavać śpisy numaroŭ ekstrannaj suviazi. U škołach buduć uzmocnienyja miery biaśpieki na ŭvachodzie i arhanizavanaje rehularnaje patrulavańnie terytoryj, a vučni pavinny viedać, jak pavodzić siabie ŭ vypadku napadaŭ.
Nastaŭnikam prapanujecca hulać ź dziećmi ŭ hulni, jakija navučać małych biazhučna i chutka chavacca. U padletkaŭ u francuzskich škołach zadačy bolš surjoznyja — jany ŭklučajuć u siabie akazańnie ekstrannaj miedycynskaj dapamohi.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ18
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary