Łukašenka paabiacaŭ, što taryfy ŽKH u hetym hodzie pavyšacca nie buduć
Košt pasłuh ŽKH u hetym hodzie pavyšacca nie budzie. Pra heta 11 vieraśnia zajaviŭ Alaksandr Łukašenka. Jon padkreśliŭ, što toj, chto moža płacić, pavinien heta rabić u nieabchodnym abjomie. Toj, chto nie moža płacić, budzie atrymlivać bieznajaŭnyja žyllovyja subsidyi.
Łukašenka adznačyŭ, što ŭ hetym płanie jość ustalavany limit u ekvivalencie 5 dalaraŭ u hod. «U hetym hodzie ŭsio vyčarpana, nijakich pavyšeńniaŭ nie budzie. U nastupnym hodzie 5 dalaraŭ budzie dakładna. U kolki heta vyljecca adsotkaŭ, nie viedaju», - zajaviŭ kiraŭnik dziaržavy.
«My jašče pahladzim, jak budzie raźvivacca ekanomika i nakolki my zmožam padtrymać ludziej. Kali ŭ kišeniach ničoha niama, to apošniaje nichto nie maje prava zabrać. Bo my atrymajem prablemu, jak va Ukrainie, — padniali, jak MVF patrabavaŭ, na 100%, moža, tam i bolš… I što atrymałasia: u naroda hrošaj niama, piensii panizili, zarpłaty nijakija, u ludziej niama čym płacić. Vielizarnyja niepłaciažy sparadzili druhuju prablemu. Ja hetaha nie chaču», — skazaŭ Alaksandr Łukašenka.
Jon taksama nahadaŭ, što adno z patrabavańniaŭ Mižnarodnaha valutnaha fondu dla vydzialeńnia kredytu — 100%-naja apłata «kamunałki».
«Tut možna zhadžacca, možna nie. Jany ž razumiejuć, što na mianie cisnuć biessensoŭna. My ŭ ich prosim na padtrymańnie ekanomiki kredyt u 3 miljardy dalaraŭ. Jany i bolš mohuć dać — ja ž sustrakaŭsia ŭ Ńju-Jorku z Łahard (kiraŭnik MVF), pad 1%, nu maksimum 2%, a Rasija nam kredyty pa 4,5—6% daje.
Tamu my paprasili ŭ ich kredyt, jany nam vystavili ŭmovy. U pryncypie, tyja ŭmovy, jakija jany nam vystavili, my daŭno realizavali, albo heta ŭsio roŭna nam pryjdziecca realizoŭvać.
Zastałosia adno — pavyšeńnie da 100% apłaty kamunalnych pasłuh», — raspavioŭ Łukašenka.
Kiraŭnik krainy miarkuje, što ŭ cełym taki padychod vierny, ale dla hetaha nieabchodna vypracavać sistemu.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ38
Kamientary