28‑29 červienia ŭ Horadni ŭ miežach kampanii pa abaronie histaryčnaj spadčyny horadu, projdzie hramadzkaja fotaakcyja «Adkryj Novy Śviet».
Meta akcyi — pryciahnuć uvahu žycharoŭ horada da planaŭ haradzkich uładaŭ pa rekanstrukcyi haradzkoha kvartału pryvatnych zabudovaŭ pačatku XX st., viadomaha pad nazvaj «Novy Śviet».
Arhanizatarami fotaakcyi vystupili šerah hramadskich arhanizacyj, hramadzianskich inicyjatyvaŭ, a taksama nieabyjakavyja žychary horada. Da ŭdziełu ŭ fotaplenery zaprošanyja jak viadomyja biełaruskija fatohrafy, tak i amatary fotaspravy. Fotaplener «Adkryj Novy śviet» adkryty dla kožnaha chto lubić trymać u rukach fotaaparat. Kłas kamiery i vopyt u fatahrafavańni značeńnia nie majuć. «Vaš zdymak — heta pierš za ŭsio simvał lubovi da staroj Harodni i abarony svajoj kulturnaj spadčyny», ‑‑ zaklikajuć arhanizatary.
Novy Śviet — heta cichi haradzienski kvartał sa staraśvieckimi siadzibami, vydatnymi pomnikami architektury madernu, kanstruktyvizmu i nieabaroka. Heta adzin ź niešmatlikich kavałačkaŭ Biełarusi, dzie zastajecca niekranutym haradski piejzaž pačatku minułaha stahodździa. Kompleks Novaha Śvieta akreślivajecca vulicami Horkaha — Astroŭskaha — Dziaržynskaha — 17 vieraśnia — Mickieviča. Tut žyli mnohija viadomyja haradziency. U Novym Śviecie prajšli dziciačyja hady biełaruskaha paeta Maksima Bahdanoviča.
Siońnia hetaja histaryčnaja častka Harodni znachodzicca pad pahrozaj źniščeńnia: miascovyja «rekanstruktary» płanujuć źnieści bolšaść damoŭ. Žycharoŭ Novaha Śvietu pačali pierasialać u spalnyja rajony horada. Novyja «haspadary», u tym liku ŭrad Maskvy, majuć svaje płany «ŭparadkavańnia» hetaha histaryčnaha kvartału. Budučynia Novaha Śvieta zastajecca nieviadomaj…
«Zaśviedčy historyju Harodni XX stahodździa! Zrabi SVOJ zdymak Novaha Śvietu! Zaprašajem da ŭdziełu ŭ fotapleniery «Adkryj Novy Śviet»!, — źviartajucca arhanizatary da ŭdzielnikaŭ i žycharoŭ horada.
Usie ŭdzielniki plenera adnačasova buduć zdymać vulicy kvartała. Žanr zdymka kožny vybiraje sam: architektura, partrety žycharoŭ, repartaž, fotakałaž, fotakomiks
Vyniki fotapleneru buduć vydadzienyja na CD, kudy ŭvojduć vybranyja raboty kožnaha z ŭdzielnikaŭ akcyi, ahlad historyi fotazdymku ŭ Hrodna, virtualnaja karta Novaha Śvietu.
Udzieł u fotaakcyi «Adkryj Novy Śviet» adkryty, dałučycca moža kožny, dastatkova tolki paviedamić ab svaim žadańni na [email protected]
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ40
Kamientary