Patrabavańnie ab admienie Dekreta №3 pieradali ŭ prezidenckuju administracyju
Ranicaj 16 sakavika ŭ prezidenckuju administracyju adnieśli rezalucyju, pryniatuju na «Maršy niedarmajedaŭ» 15 sakavika ŭ Minsku. Pieradavać rezalucyju pryjšli pradstaŭnik BCHD Dzianis Sadoŭski i pradstaŭniki AHP Hanna Krasulina i Mikałaj Kazłoŭ. Hałoŭnaje ŭ rezalucyi - patrabavańnie admieny Dekreta №3 «Ab papiaredžańni sacyjalnaha utrymanstva».
Taksama vykazany pratest suprać masavych zatrymańniaŭ padčas dazvolenaj akcyi.
«Ludzi bačać, što tvoryć ułada i, zrazumieła, jany tolki jašče bolš radykalna buduć vykazvać svajo niezadavoleńnie. Čym my možam adkazać? Tolki jašče bolš masavymi akcyjami pratestu ŭ mirnym rečyščy, biez usiakich pravakacyj», - zajaviŭ Dzianis Sadoŭski.
Pa słovach Hanny Krasulinaj, lubyja pravakacyi arhanizatary akcyj pratestu «buduć razhladać jak dziejańni, skiravanyja na źniščeńnie suvierenitetu Respubliki Biełaruś». I dadała, što pakul udzielniki akcyj, skiravanych suprać prezidenckaha dekreta №3, staviać uładam krainy vyklučna ekanamičnyja patrabavańni. Ale kali jany nie buduć vykananyja, to pryjdzie čarha patrabavańniaŭ palityčnych: adstaŭka Alaksandra Łukašenki, uradu i rospusk abiedźviuch pałat Nacyjanalnaha schodu.
Były supracoŭnik pravaachoŭnych orhanaŭ Mikałaj Kazłoŭ źviarnuŭsia piersanalna da ministra ŭnutranych spraŭ Ihara Šunieviča z patrabavańniem viarnuć dziejańni svaich supracoŭnikaŭ u «zakonnaje rečyšča». Pa jaho słovach, hvałtoŭnyja zatrymańni ŭdzielnikaŭ dazvolenaj akcyi nieviadomymi ludźmi ŭ cyvilnym z prymianieńniem hrubaj siły i navat źbićcia nie majuć ničoha ahulnaha z tym, jak pavinna dziejničać milicyja. Kazłoŭ papiaredziŭ ministra ab piersanalnaj adkaznaści da takija pavodziny supracoŭnikaŭ orhanaŭ pravaparadku.
Kamientary