Vice-śpikier Viarchoŭnaj Rady Ukrainy Iryna Hieraščanka nazvała 23 proźviščy - pieraličanyja asoby asudžanyja, u pryvatnaści, za padrychtoŭku teraktaŭ va ŭkrainskich haradach i ŭdzieł u vajennych dziejańniach na Danbasie. Ukraina hatovaja pieradać ich Rasijskaj Fiederacyi dla vyzvaleńnia palitviaźniaŭ Kramla.
Jak pieradaje karespandent UNIAN, pra heta pieršy vice-śpikier paviedamiła na bryfinhu siońnia. Hieraščanka adznačyła, što jość dazvoł ad «kampietentnych struktur» dla ahučvańnia proźviščaŭ tych, «kaho my hatovyja pieradać Rasii dla vyzvaleńnia ukraincaŭ Siancova, Kolčanki, Suščanki, Hryba, Bałucha, Panova i chłopcaŭ, jakija ŭtrymlivajucca na akupavanaj terytoryi».
Jana nazvała 23 proźviščy - Viktar Ahiejeŭ, Alaksandr Baranaŭ, Anatol Busyhin, Vałachidzis Alaksandr, Viačasłaŭ Vysocki, Rusłan Biedžyjeŭ, Valeryj Hrataŭ, Uładzisłaŭ Hrečyn, Aleh Daronin, Siarhiej Jahoraŭ, Valeryj Ivanoŭ, Ihar Kimakoŭski, Volha Pavaliz, Vasil Kusakin, Uładzisłaŭ Makaraŭ, Jaŭhien Niafiodaŭ, Maksim Adzincoŭ, Alaksiej Sidzikaŭ, Dzianis Sidaraŭ, Maksim Śliŭka, Pavieł Čarnych, Łarysa Čubarava, Jaŭhien Šatałaŭ.
Jak adznačaje UNIAN, usie proźviščy zapisanyja z hołasu, tamu nie vyklučany pamyłki ŭ napisańni. Hieraščanka skazała, što pieraličanyja asoby «asudžanyja ci za padrychtoŭku teraktaŭ u Adesie, Charkavie, Kijevie, Chiersonie, ci za ŭdzieł u vajennych dziejańniach na Danbasie, abo pa ich iduć sudovyja pracesy».
Hieraščanka skazała: «Zabiarycie vašych, addajcie ukraincaŭ». Jak paviedamlaŭ UNIAN, 29 červienia upaŭnavažany Rady pa pravach čałavieka Ludmiła Dzianisava zajaviła, što Ukraina hatovaja pieradać 23 rasiejcaŭ u abmien na 23 ukrainskich palitviaźniaŭ, jakija niezakonna ŭtrymlivajucca ŭ rasiejskich turmach.
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary