Eks-kiraŭnika vydaviectva Ekzarchata prysudzili da 7 hadoŭ kałonii, choć mitrapalit Pavieł prasiŭ adpuścić jaho

Uładzimira Hrozava pryznali vinavatym u tym, što jon skraŭ u carkvy dva miljardy rubloŭ. Za eks-kiraŭnika vydaviectva Ekzarchata padčas sudovaha pasiedžańnia zastupiŭsia mitrapalit Minski i Zasłaŭski Pavieł, Patryjaršy Ekzarch usioj Biełarusi. Jon prasiŭ spynić kryminalnuju spravu, a samoha Uładzimira Hrozava vyzvalić z-pad varty.

Pavialičyć

Na abviaščeńnie prysudu siońnia pryjšli blizkija i rodnyja Hrozava, volnych miescaŭ u zale amal nie było. Sam abvinavačvany trymaŭsia ŭpeŭniena, časam uśmichaŭsia — i heta niahledziačy na toje, što napiaredadni prakuror paprasiŭ pakarać Uładzimira Hrozava da realnaha termina — 8 hadoŭ pazbaŭleńnia voli z kanfiskacyjaj majomaści.

Sud Zavodskaha rajona Minska ŭ vyniku pryznaŭ jaho vinavatym pa č. 4 art. 209 KK «Machlarstva ŭ asabliva bujnym pamiery», č. 2 art. 231 (Uchileńnie ad vypłaty mytnych płaciažoŭ), č. č. 2, 3 art. 426 (Pieravyšeńnie słužbovych paŭnamoctvaŭ) i prysudziŭ da siami hadoŭ pazbaŭleńnia voli.

Uładzimira Hrozava zatrymali prosta na miažy ŭ śniežni 2016 hoda, kali jon chacieŭ źjechać z krainy. Hrozaŭ — były siłavik, 16 hadoŭ prasłužyŭ u carkvie, a zatym jaho abvinavacili ŭ kradziažy hrašovych srodkaŭ. Pravasłaŭnaja carkva vystaviła jamu pazoŭ u 750 tysiač dalaraŭ, ale ŭ pieršy ž dzień suda admoviłasia ad jaho.

- Ja vieraj i praŭdaj słužyŭ Biełaruskaj pravasłaŭnaj carkvie. I dziejničaŭ tolki z błasłavieńnia i rasparadžeńnia carkvy, usie dziejańni i vyrvany z kantekstu. Vysoki sud, u 2010 hodzie prezident uručyŭ mnie ŭznaharodu «Za duchoŭnaje adradžeńnie». Na žal, sa źmienaj Ekzarchata znajšlisia ludzi, jakija vystavili maju dziejnaść jak nieparazumieńnie. Hetyja ludzi ŭžo nie pracujuć u BPC. Mnie stavili ŭ vinu 17 artykułaŭ, jany adpadali, potym prylaplalisia, - zajaŭlaŭ Hrozaŭ padčas pracesu i nie pryznavaŭ svajoj viny.

Śledstva naličyła ŭron u 12 miljardaŭ, ale padčas sudovaha pracesu prakurory pradjavili novaje abvinavačvańnie. Ź jaho źnik art. 210 «Kradziež u asabliva bujnym pamiery» i źjaviŭsia art. 209 «Machlarstva», a naniesienaja škoda była panižana z 12 miljardaŭ da dvuch.

— Vyhladaju jak pryvatny žulik, — tak prakamientavaŭ Hrozaŭ novaje abvinavačvańnie i znoŭ paŭtaryŭ, što ni ŭ čym nie vinavaty.

Kab abaranić eks-kiraŭnika vydaviectva Ekzarchata, u sudzie ŭ jakaści śviedki źjaviŭsia mitrapalit Minski i Zasłaŭski Pavał, Patryjaršy Ekzarch usiaje Biełarusi.

— Siońnia ja ŭsio heta aceńvaju zusim pa-inšamu … Siońnia ja razumieju, što ŭsie, chto suprać jaho pisaŭ, heta byli zajzdrośniki, — kazaŭ jon tady.

Prysud nie ŭstupiŭ u zakonnuju siłu i moža być abskardžany.

• 0
• 0
• 0
• 0
• 0
• 0
• 0
• 0