Zamiest Łukašenki na kanfierencyju ŭ Miunchien jedzie Vakulčyk
Heta pieršy vypadak, kali kiraŭnik biełaruskaha KDB voźmie ŭdzieł u palityčnaj kanfierencyi takoha ranhu na Zachadzie.
MZS Biełarusi rychtavała vizit Alaksandra Łukašenki ŭ Miunchien dla ŭdziełu ŭ Miunchienskaj kanfierencyi pa biaśpiecy, ale litaralna ŭ samy apošni momant uźnikli časavyja nakładki ŭ suviazi ź nieabchodnaściu vyrašeńnia važnych pytańniaŭ biełaruska-rasijskich adnosin. Pra heta paviedamiła pres-słužba MZS.
«Arhanizatarami kanfierencyi było prapanavana kiraŭniku dziaržavy ŭziać udzieł u panelnaj dyskusii 16 lutaha na temu «Adnosiny Uschod — Zachad» sumiesna z prezidentam Azierbajdžana I. Alijevym, prezidentam Ukrainy P. Parašenkam, premjer-ministram Hruzii M. Bachtadze, hienieralnym sakratarom ABSIE T. Hreminhieram», — adznačajecca ŭ paviedamleńni.
«Biełaruskim bokam rychtavaŭsia vizit kiraŭnika dziaržavy ŭ Miunchien. Adnak litaralna ŭ samy apošni momant uźnikli peŭnyja časavyja nakładki. U suviazi ź nieabchodnaściu vyrašeńnia važnych pytańniaŭ biełaruska-rasijskich adnosin u chodzie pieramovaŭ z prezidentam Uładzimiram Pucinym u Sočy ŭ hety raz ŭdzieł u Miunchienskaj kanfierencyi na ŭzroŭni prezidenta Respubliki Biełaruś nie pradstaviłasia mahčymym.
Respubliku Biełaruś na 55-j Miunchienskaj kanfierencyi pa biaśpiecy pradstavić pasoł Biełarusi ŭ Hiermanii Dzianis Sidarenka. U mierapryjemstvie taksama voźmie ŭdzieł staršynia Kamiteta dziaržaŭnaj biaśpieki Valeryj Vakulčyk».
Kamientary