Akcyja «Adziny dzień biaśpieki» projdzie ŭ Biełarusi z 20 lutaha pa 1 sakavika. Pra heta BIEŁTA paviedamili ŭ Ministerstvie pa nadzvyčajnych situacyjach.
«Padobnaja akcyja ŭpieršyniu budzie pravodzicca ŭ Biełarusi. Zadziejničajucca dziaržorhany, miascovyja ŭłady i hramadskija arhanizacyi, - adznačyŭ aficyjny pradstaŭnik MNS Vital Navicki. — Buduć pravodzicca prafiłaktyčnyja mierapryjemstvy pa praduchileńni nadzvyčajnych situacyj, pravaparušeńniaŭ i złačynstvaŭ. Śpiecyjalisty zrobiać akcent na navučańni pavodzinam va ŭmovach pažaraŭ, avaryj, akazańni pieršaj miedycynskaj dapamohi».
Projduć vučeńni i treniroŭki pa reahavańni na nadzvyčajnych situacyjach. «Ich praviaduć na niebiaśpiečnych abjektach, u budynkach z masavym znachodžańniem ludziej. Zapłanavany pravierki sistemy abviestki u tym liku praz SMS, tranślacyja paviedamleńniaŭ ad MNS u televizijnym i radyjoefiry. Roznyja ustanovy adpracujuć biaśpieku praviadzieńnia evakuacyi sa svaich budynkaŭ», - raspavioŭ Vital Navicki.
Kamientary