Baćki zapisvajuć videainstrukcyi dla vychavacielaŭ, kab u sadkach paboleła zaniatkaŭ na biełaruskaj movie
Kab pašyryć biełaruskuju movu ŭ dziciačych sadkach, kamanda hramadskich dziejačaŭ «ViR-ViR» vyrašyła zapisać videainstrukcyi pa praviadzieńni zaniatkaŭ dla vychavacielaŭ.
«Ministerstva adukacyi pastanaviła pravodzić zaniatki pa-biełarusku adzin dzień na tydzień. Ale vychavacielam prosta nie chapaje času, kab znajomicca z apošnimi dasiahnieńniami ŭ piedahohicy, źbirać adukacyjny materyjał i pierakładać jaho. A tyja mietadyčki, što jość pa-biełarusku, zbolšaha słaboj jakaści, sastareli. Tamu piedahoham, aproč inšych abaviazkaŭ, davodzicca stvarać svaje navučalnyja prahramy z nula», — apisvaje prablemu adzin ź inicyjataraŭ prajekta Jaŭhien Bojka.
Asnoŭnyja zaniatki dla daškolnikaŭ — heta sumiesnyja rolevyja hulni. Jany dapamahajuć raźvivać u malečy navyki supracoŭnictva i samastojnaści. Videainstrukcyi buduć tłumačyć, jak pravodzić takija zaniatki. A ŭ tekstavym dadatku da ich vychavacieli znojduć infarmacyju pra ŭzrost, na jaki heta raźličana, vieršy z hulniaŭ i spasyłki na patrebnuju infarmacyju.
«Videainstrukcyi minimum u 2-3 razy skaračajuć čas i enierhiju na padrychtoŭku i praviadzieńnie zaniatkaŭ ź dziećmi, — zaŭvažaje Jaŭhien Bojka. — Novyja materyjały stvarajucca praz abjadnańnie pieradavych viedaŭ u piedahohicy i tradycyjnaj biełaruskaj kultury».
Jašče važny momant — heta uklučanaść dziaciej. Jany rychtujuć zaniatak razam z vychavacielem, impravizujuć u praviłach.
Kab stvaryć pieršuju sieryju z 6 rolikaŭ, kamanda zapuściła zbor srodkaŭ praz kraudfandynhavuju placoŭku. Usiaho ŭ płanach — zapisać 150 videainstrukcyj zaniatkaŭ i 30 praciahłych videa ab praviadzieńni tradycyjnych śviataŭ. Hetaha abjomu na pieršy čas chopić vychavacielam dla napaŭnieńnia svaich navučalnych płanaŭ.
A paźniej inicyjatary prajekta chočuć raspracavać mabilnuju prahramu, dzie buduć znachodzicca ŭsie stvoranyja videainstrukcyi — vychavacieli i baćki chutka zmohuć abirać tam hulni, jakija raźvivajuć patrebnyja navyki dziaciej.
«Asnoŭnaja ideja našaha prajekta — kab baćki daškolnikaŭ zmahli ŭpłyvać na situacyju, prosta dasyłajučy videa vychavacielam svaich dziaciej, — dzielicca Jaŭhien Bojka. — Pa-sutnaści, my refarmujem cełuju sistemu biez čakańnia hetaha ad ministerstva».
Šrajbman z kalehami prapanavali pakrokavy płan deeskałacyi adnosin Biełarusi i ES53
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4545
Kamientary