Navukoŭcy vyjavili mutacyju ŭ hienach brytanskaha rok-śpievaka, adnaho z zasnavalnikaŭ i ŭdzielnika hrupy Black Sabbath Ozi Osbarna, jakaja dała jamu zdolnaść užyvać ałkahol u vialikich kolkaściach i vyznačyła jaho schilnaść da narkatyčnaj zaležnaści. Pra heta raspavioŭ prafiesar Miedycynskaj škoły Univiersiteta Indyjany Bił Salivan, paviedamlaje hazieta New York Post.
«Ozi sapraŭdy hienietyčny mutant», — napisaŭ Salivan u svaim daśledavańni ŭpłyvu DNK na pavodziny čałavieka.
U 2010 hodzie navukoŭcy kampanii Knome, Inc. z Masačusietsa, jakaja zajmajecca daśledavańniami hienaŭ, vyrašyli vyvučyć niezvyčajnyja čałaviečyja DNK i vyjšli na suviaź z Osbarnam. Pravioŭšy testy, jany vyjavili, što śpiavak maje raniej nie daśledavanuju mutacyju, jakaja zrabiła jaho praktyčna nieŭsprymalnym da praciahłaha ŭździejańnia ałkaholu.
Pa słovach Sallivana, varyjacyi hienaŭ upłyvajuć na pavodziny čałavieka. U niekatorych ludziej, naprykład, uźnikaje schilnaść da sałodkaha, niekalki raznavidnaściaŭ hienaŭ upłyvajuć na pavyšanuju cikavaść da kavy. Hieny navat upłyvajuć na bazavyja emocyi, seksualnaść i palityčnyja pohlady ludziej.
Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?3
Kamientary