«My ŭsim stavim ruskuju movu». U Śvietłahorsku pierapisčyki śviadoma iduć na padman
«Na zavod, dzie ja pracuju, pryjšli studenty-pierapisčyki. Ale jany navat nie spytali, na jakoj movie ja razmaŭlaju doma. Na płanšecie adznačyli «pa-rusku» i pieraskočyli dalej», — raskazvaje Piatro Pracko, čytač «Našaj Nivy».
Jon, naturalna, aburyŭsia.
«Na što ja atrymaŭ adkaz: «My ŭsim stavim ruskuju movu». Ja paprasiŭ vypravić heta, a pierapisčyki skazali, što ŭžo ŭnieśli adkaz u svoj płanšet i vypravić heta nielha. A paśla jašče dadali: «I tak zrazumieła, što ŭsie razmaŭlajuć pa-rusku», — dadaŭ Piatro Pracko.
Mužčyna raskazvaje, što pra padobnyja vypadki ŭ svaim rodnym horadzie čuŭ i ad svaich znajomych, jakija adznačalisia na stacyjanarnych učastkach.
U adździele statystyki Śvietłahorskaha rajvykankama, pačuŭšy heta, ździvilisia.
«Ni ŭ jakim razie my takoha instruktažu nie pravodzili. Naadvarot, prasili pracavać sumlenna i zadavać pytańni stroha pa pierapisnych listach. Ja zaraz ža patelefanuju ŭsim zahadčykam pierapisnych učastkaŭ i źviarnu na heta ŭvahu», — adkazała namieśnica načalnika adździeła statystyki Valeryja Karatkova.
Ciapier čytajuć
Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna43
Kamientary